تقديرًا لمسيرتهما الفنية.. تكريم هند صبري وغادة عادل بمهرجان أسوان للمرأة

كرمت إدارة مهرجان أسوان الدولي لأفلام المرأة، الفنانة التونسية هند صبري والفنانة المصرية غادة عادل، وذلك في الدورة الثامنة من المهرجان.

هند صبري تعبر عن سعادتها بتكريمها في مهرجان أسوان 

وقالت هند صبري عن تكريمها في تصريحات يرصدها تحيا مصر: المرأة واحدة، وفيه ستات علمونا يعني إيه سينما وأنا أصغر من إني أكون بين تونس ومصر وفخورة إني واقفة هنا، وبقول للست علي صوتك.

تصريحات هند صبري 

من جانبه، قالت هند صبري: ساعات ببقى مش قادرة أتصور مع حد من الجمهور، بكون تعبانة أو شكلي وحش، وحصلي مرة شفت نجمة بحبها وجريت وراها في الشارع ومتصورتش معاها.

وتابعت، ومن يومها أنا كرهتها وبقيت أعمل ده غصب عني وأتصور مع الناس حتى لو بيجي على طاقتي.. وفي ناس بتتصور عشان تاخد لايكات.

هند صبري تتحدث عن ابنتها

وأضافت، بنتي علياء شولة، ومدرسة الدين والقرآن في البيت كانت بتغصبها تكتب بـ إيدها اليمين لأن ده حرام وهتدخل النار.. وأغلب الناس بتتربى على الخوف أكتر من السعي لمعرفة ربنا.

هذا وقالت: عندي هوس بالتفاصيل لانها هي اللي بتفرق في اي عمل عن الآخر واتعملت اني متمسكش باللي انا عايزاه واخذ كل الآراء والزوايا من أجل العمل".

وتابعت، مفيش زاوية واحدة للحياة، الحياة مليانة بالتفاصيل ولازم  تشوف الصورة من اكثر من زاوية الحياة، ولازم يكون عندك مرونة لكل ال الآراء والزاويا ومن غير مرونة الدنيا بتكون صعبة.

واستطردت، المبادىء في الحياة لا تقبل التجزأ يعني مينفعش يكون في اكتر من زاوية للكذب والخيانة.

وأوضحت، بحن للأبيض والأسود لإن فيها ذكريات وتفاصيل كتيرة"، وكشفت عن اختيارها دائما للصور الجماعية في أي عمل قائلة: "كلنا بنحب الصورة الجماعية خاصة في اي عمل علشان  النجاح مش فردي".

واستكملت، التصوير زمان كان لتخليد ذكري حلوة بس في الوقت الحالي التصوير بيكون فيه جزء ملهوش لازمة وبرا الكادر.

هند صبري: بنتي شولة ومدرسة الدين بتغصبها تكتب باليمين

واختمت عن غزة، قائلة: "الصور اللي كنا بنشوفها من غزة هي صور لأول إبادة عرقية بتحصل على الهواء قدام العالم وللاسف العشرات الاف دفعوا الثمن بس ارواحهم خالدة ".

ولفتت، أنا مواطنة عربية حسيت بالاحباط وحسيت أن في معايير مختلفة للإنسانية وحسيت أن في شرخ في العالم ولسه في عندي الاحساس دا، وكلنا كعرب حسينا بنفس الأشياء وأنا مش هتكلم في الموضوع ولا هتاجر فيه وبحترم جدا المنظمة اللي كنت سفيرتها واحترامي للناس اللي في الميدان اللي بيحاولوا كل يوم متغيرش ومختلفش، والنهاردة أنا عندي حرية أكبر أني أشارك في أشياء مكنتش قادرة اشارك فيها ومفيش ضغينة ابدا، ودا قرار شخصي واتحمل مسئوليته.