هند صبري: بنتي شولة ومدرسة الدين بتغصبها تكتب باليمين

فجرت الفنانة التونسية هند صبري عدة تصريحات حول شهرتها وكذلك ابنتها علياء حيث روت موقف تعرضت له.

سبب عدم رفض هند صبري تصويرها مع المعجبين

وقالت هند صبري خلال تصريحات تليفزيونية يرصدها تحيا مصر: ساعات ببقى مش قادرة أتصور مع حد من الجمهور، بكون تعبانة أو شكلي وحش، وحصلي مرة شفت نجمة بحبها وجريت وراها في الشارع ومتصورتش معاها.

وتابعت، ومن يومها أنا كرهتها وبقيت أعمل ده غصب عني وأتصور مع الناس حتى لو بيجي على طاقتي.. وفي ناس بتتصور عشان تاخد لايكات.

هند صبري تتحدث عن ابنتها

وأضافت، بنتي علياء شولة، ومدرسة الدين والقرآن في البيت كانت بتغصبها تكتب بـ إيدها اليمين لأن ده حرام وهتدخل النار.. وأغلب الناس بتتربى على الخوف أكتر من السعي لمعرفة ربنا.

تصريحات هند صبري 

من جانبه، قالت هند صبري: عندي هوس بالتفاصيل لانها هي اللي بتفرق في اي عمل عن الآخر واتعملت اني متمسكش باللي انا عايزاه واخذ كل الآراء والزوايا من أجل العمل".

وتابعت، مفيش زاوية واحدة للحياة، الحياة مليانة بالتفاصيل ولازم  تشوف الصورة من اكثر من زاوية الحياة، ولازم يكون عندك مرونة لكل ال الآراء والزاويا ومن غير مرونة الدنيا بتكون صعبة.

واستطردت، المبادىء في الحياة لا تقبل التجزأ يعني مينفعش يكون في اكتر من زاوية للكذب والخيانة.

وأوضحت، بحن للأبيض والأسود لإن فيها ذكريات وتفاصيل كتيرة"، وكشفت عن اختيارها دائما للصور الجماعية في أي عمل قائلة: "كلنا بنحب الصورة الجماعية خاصة في اي عمل علشان  النجاح مش فردي".

واستكملت، التصوير زمان كان لتخليد ذكري حلوة بس في الوقت الحالي التصوير بيكون فيه جزء ملهوش لازمة وبرا الكادر.

واختمت عن غزة، قائلة: "الصور اللي كنا بنشوفها من غزة هي صور لأول إبادة عرقية بتحصل على الهواء قدام العالم وللاسف العشرات الاف دفعوا الثمن بس ارواحهم خالدة ".

هند صبري:عندي هوس بالتفاصيل.. وأحيانا بضغط على نفسي لو حد طلب مني صورة

هذا وقالت هند صبري، أنا مواطنة عربية حسيت بالاحباط وحسيت أن في معايير مختلفة للإنسانية وحسيت أن في شرخ في العالم ولسه في عندي الاحساس دا، وكلنا كعرب حسينا بنفس الأشياء وأنا مش هتكلم في الموضوع ولا هتاجر فيه وبحترم جدا المنظمة اللي كنت سفيرتها واحترامي للناس اللي في الميدان اللي بيحاولوا كل يوم متغيرش ومختلفش، والنهاردة أنا عندي حرية أكبر أني أشارك في أشياء مكنتش قادرة اشارك فيها ومفيش ضغينة ابدا، ودا قرار شخصي واتحمل مسئوليته.