ننشر اعترافات الام والزوج المتهمين بتعذيب وقتل طفلة بالمحلة

قررت محكمة جنايات المحلة الكبرى، بمحافظة الغربية بالسجم ٥ سنوات للمتهم زوج الام حمادة البسيونى بائع خردة، ٣٥ سنة والمتهمة الام نعمة سيف الله السجن ١٠ سنوات غيابيا، بتهمة قتل الطفلة فاطمة محمود السيد ٤ سنين اثر تعرضها للتعذيب والضرب المبرح بعصا خشبية وحرقها باستخدام ' ملعقة " فى اماكن حساسة، ومختلف أنحاء الجسد لمنعها من الذهاب للعيش بالخارج، وذلك بقرية ميت الليت هاشم.

خد حبيبته.. تأجيل محاكمة قاتل سائق توك توك بـ الغربية

والد ممرض الغربية الذي توفى بلابس الإحرام يكشف تفاصيل اللحظات الأخيرة وسبب الوفاة

وحصل ' موقع تحيا مصر '، على نص اعترافات المتهمين الزوج والام، امام النيابة العامة وجاء كالاتى :- 

س- ما قولك فيما منسوب اليك من انك متهم بقتل المجنى عليهم فاطمة ورضا محمود السيد بعد تعذيبهم بعصا خشبية وحرقهم فى اماكن حساسة بملعقة ؟ 

ج - محصلش

س - ما الذى حدث اذا وما ظروف عرضك علينا؟ 

ج- اللى حصل ان بنت مراتى من زوجها الاول اللى مات عاوزة تروح تعيش مع زوج مراتى القديم كانت متزوجها عرفى قبلى وكنت مفكر ان فى علاقة لسه بينها وبينه فضربتها بالعصاية على جسمها وجبت معلقة وحرقتها وحطيتها بين رجليها وضربتها لمدة ربع ساعة امها جت تحوش عنها ضربتها كمان بالعصاية  وبعد كدا اخدت البنت لمستشتفى المنصورة وحجزتها هناك 

س- من القائم على التعدى على المجنى عليها فاطمة محمود السيد 

ج- انا

س- هل اشترك معك احد فى التعدى عليها؟ 

ج- لا انا ضربتها لوحدى

س- ماهى بادرة لقائك بالمجنى عليها؟ 

ج- كنت راجع من الشغل ولفيتها قاعدة فى البيت عشان عايشة معايا 

س- ما مضمون الحوار بينكم؟ 

ج- قالتلى انا عاوزة اروح اعيش مع محمد. ال فروحت قولتلها هى امك لسه على علاقة بيه وضربتها 

س- ماهى طبيعة الاسلحة المستخدمة؟ 

ج- جبت عصاية مقشة وضربتها فى جسمها كله فى الصدر وبطنها  ورجليها ومرضتش تكلم قومت رايح مولع معلقة وحطتها على رجليها من ورا

س- ما الذى بدر من والدة المجنى عليها نعمة سيف الله؟ 

ج- هى سابتنى اضربها وقعدت فى الصالة برا 

س- ماهى المدة المستغرقة فى التعدى على المجنى عليها؟ 

ج- ربع ساعة

وجاء فى اعترافات الزوجة والام اما النيابة العامة :-

س- ما الذى حدث وماهى ظروف عرضك علينا؟ 

ج- اللى حصل ان بنتى عاوزة تروح تقعد عند طليقى ولما قالتله جاب عصاية مقشة وضربها وحرقها بمعلقة من ورا وحاول احوش عنها فضربنى بالعصاية على كتفى الشمال وروحنا المستشفى قولتلهم دى اصابتها نتيجة حادث ومقولتش اللى حصل 

واكدت التحريات التى اجرتها مباحث مركز المحلة الكبرى، ان المتهم من ذوى السوابق الاجرامية ويتعاطى للمواد المخدرة ودائم التعدى على الطفلة فاطمة محمود السيد المجنى عليها وشقيقتها رضا ٦ سنوات والواقعة حدثت على مسمع ومرئى من من الام المتهمة التى لم تقم باغاثتها قاصدين قتلها.

وتعود الواقعة، عندما تلقت الاجهزة الامنية بمديرية امن الغربية، اخطارا من مامور قسم مركز المحلة الكبرى بمقتل طفلة تدعى فاطمة ٤ سنوات اثر تعرضها للتعذيب والضرب المبرح باستخدام عصا خشبية، وحرقها فى اماكن حساسة على يد زوج امها. 

وانتقلت قوة امنية الى محل الواقعة، وبتقنين الاجراءات تم ضبط المتهم، وكلفت ادارة البحث الجنائى بالتحرى عن ظروف وملابسات الواقعة، تحرر المحضر اللازم وعرضه على النيابة العامة.