محمود العسيلي بعد أزمته مع عصام صاصا: ابني حافظ كل أغانيه وهو رقم 1 في المهرجانات

تحدث المطرب محمود العسيلي خلال حواره مع الإعلامية منى عبد الوهاب في برنامج ع المسرح المُذاع عبر شاشة قناة الحياة الفضائية، عن أزمته مع مغني المهرجانات عصام صاصا وتطرق للحديث عن تفاصيل في حياته الشخصية وأمنياته ومعنى السعادة بالنبسة له.

محمود العسيلي يوضح وجهة نظره في الراب والمهرجانات في برنامج ع المسرح

وعلق محمود العسيلي خلال حواره مع الإعلامية منى عبد الوهاب والذي رصده موقع تحيا مصر على تصريح سابق له عن مغني المهرجانات عصام صاصا وكان قال أنه يعلم بوجود مطرب رقم 1 على مواقع التواصل الاجتماعي لكنه لا يعلم من هو، وعلق على ذلك خلال الحلقة وقال: "في واحد أنا قولت إنه رقم 1 على كل المنصات لكن أنا فعلًا معرفش هو بيغني ايه وانا ابني بيحبه جدًا وحافظ كل أغانيه، لكن أنا عمري ماسمعته ومش تقليل منه ولو بقلل منه مش هقول إنه رقم 1 على كل المنصات ودا بجد وكل الجيل الصغير بمختلف الطبقات بيسمعه وبيسمع الناس اللي شبهه وميعرفوش أغانينا احنا".

وتابع محمود العسيلي حديثه موضحًا وجهة نظره: "أنا بتكلم على لون معين بيبقى تريند ونجاح لحظي وبعد كده بيختفي، المهرجانات لون جديد ومصري أصيل وحاجه بتاعتنا وبتاعت الشارع جدًا، الفكرة فيها إن المغني لو فضل يكرر نفس اللي بيقوله بنفس الطريقه هيختفي فضروري يدور على أفكار مختلفة وحاجات جديدة عشان يحافظ على فنه والراب نفس الكلام اللي هيقدر يكمل هو المختلف".

عصام صاصا يرد على تصريح محمود العسيلي لأول مرة: كان عايز ياخد اللقطة

محمود العسيلي يطرح أغنية جديدة بعنوان عيني.. تعرف على كلماتها

محمود العسيلي يكشف عن معنى السعادة بالنسبة له.. برنامج ع المسرح

وتطرق محمود العسيلي خلال استضافته في برنامج ع المسرح إلى الحديث عن تفاصيل في حياته الشخصية وفيما تتلخص سعادته كما تحدث عن مايتمناه في المستقبل وقال: "بتمنى يكون معايا رفيق العمر والذرية الصالحة، وكان نفسي يكون عندي عيال كتير لكن بحس إنه فات الأوان، والسعادة بالنسبالي في الحب والشراكه وإني يكون عندي إنسانه متوافقة معايا وتشجعوا بعض على الأحسن مش بتأثروا على بعض تأثير سلبي، ولازم تفضل تحاول إنك تبقى مبسوط مع شريك حياتك لكن لو فقدت الأمل وقتها لازم يكون عندك الشجاعة إنك تنهي العلاقة لأن الفراق صعب ومحتاج شجاعه ومتسجنش اللي معاك".

تفاصيل برنامج ع المسرح للإعلامية منى عبد الوهاب

ويأتي برنامج ع المسرح مكون من 30 حلقة، ويُعرض بالتزامن مع برامج شهر رمضان 2024 وتقدمه الإعلامية منى عبد الوهاب وتستضيف من خلاله عدد من نجوم الفن والمشاهير في المجالات المختلفة وتبدأ تحاورهم عن أسرار في حياتهم الشخصية وتفاصيل خلال مشوارهم المهني ولقى البرنامج نجاحًا واسعًا، ومن أبرز ضيوف البرنامج انتصار، مروان موسى، محمود العسيلي، دينا، بسمة بوسيل، مبروك عطية، وغيرهم.