محمود العسيلي يطرح أغنية جديدة بعنوان عيني.. تعرف على كلماتها

طرح المطرب محمود العسيلي أغنية جديدة له بعنوان عيني، عبر قناته الرسمية على موقع الفيديوهات العالمي يوتيوب، وقد حققت الأغنية منذ طرحها وحتى الآن أكثر من 22 ألف مشاهدة.

تفاصيل أغنية عيني لـ محمود العسيلي

وجاءت أغنية عيني التي يرصد تفاصيلها موقع تحيا مصر من كلمات تامر حسين، ألحان محمود العسيلي، وتقول كلماتها: "جايبه الجمال ده منين مين اللي شافه قبلي مجاش في بني آدمين أكيد عشان متساب لي بعيونك الحلوين ده يترسملك صورة بحر و طبيعة وناس قدام عنيكي مبهورة   عيني شايفة فيكي كل مزايا الدنيا بحالها والحاجة اللي انتي تبصيلها تحلى في عيني ياعيني عليكي ياعيني عيني شايفة فيكي واحدة رهيبة خطفني جمالها نجمة بعيدة".

كلمات أغنية عيني

“وكل ما أجيلها تحلى في عيني ياعيني عليكي ياعيني   لو ابتسمتي بقول للشمس روحي بدري ده انتي عليكي قبول مشوفتهوش أنا عمري نور .. ده من بعيد يتشاف لو انتي جاية قصادي بقيت بغير وبخاف عليكي من الدنيا دي   عيني شايفة فيكي كل مزايا الدنيا بحالها والحاجة اللي انتي تبصيلها تحلى في عيني ياعيني عليكي ياعيني عيني شايفة فيكي واحدة رهيبة خطفني جمالها نجمة بعيدة وكل ما أجيلها تحلى في عيني ياعيني عليكي ياعيني”.

حسن شاكوش لـ محمود العسيلي: لما الراب والشعبي هينتهي إمال مين هيرقص الناس؟

محمود العسيلي: شيرين عبد الوهاب ملهاش زي.. وهتبرع بجزء كبير من حفلاتي لغزة

تصريحات محمود العسيلي في حبر سري

وسبق وأن كشف المطرب محمود العسيلي عن السر وراء زيجاته الكثيرة رغم سنه الصغير، وأسباب الانفصال المتكرر، وذلك خلال لقاء له ببرنامج حبر سري مع المذيعة أسما إبراهيم.

وقال محمود العسيلي: أنا مش بعرف أعيش الحياة التقليدية، يعني لو أنا متضايق بحاول أصلح العلاقة ولو احنا الاتنين مش مبسوطين يبقى أحسن قرار لينا أننا منكملش لأن العمر قصير وأنا بحاول أعيش مبسوط ومرتاح، في ناس بتفضل دايسة على نفسها لأسباب كتيرة جدا في العلاقات الزوجية والشخصية.

وتابع: أنا نفسي اتعلمت درس في الحياة أهم حاجة الإنسان يكون مرتاح ومبسوط لو دا متحققش ليه ندوس على نفسنا، وأنا اتجوزت 3 مرات عشان عايز الاستقرار والعيلة، وفي الجوازتين الأولانية أنا اللي قررت أبعد، لأني فقدت الأمل أن العلاقة دي تتصلح.