الموت يفجع حمو بيكا.. تفاصيل

كشف مؤدي المهرجانات حمو بيكا عن وفاة عمه، ولكن لم يتم الإعلان عن تفاصيل الجنازة أو موعد العزاء.

وفاة عم حمو بيكا

ونشر حمو بيكا صورة عمه عبر حسابه الرسمي بموقع التواصل الاجتماعي فيسبوك، وعلق عليها قائلًا في منشور يرصده تحيا مصر: إنا لله وإنا إليه راجعون.. عمي في ذمه الله.

معاناة حمو بيكا قبل الشهرة

من جانبه، قال حمو بيكا، في بث مباشر نشره عبر حسابه الرسمي بموقع التواصل الاجتماعي فيسبوك: سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده واعذروني كنت قاعد في أوضة وصالة والحمام في المطبخ، وأبويا على باب الله بيسافر ويتغرب ويشقى علشان اللقمة اللي بناكلها بالحلال.

وأضاف حمو بيكا: أنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، ولما ربنا بيكرم بني آدم ويرزقه مش من فراغ، وما اتدولتش في بقي معلقة دهب وكنت بحب الخير لكل الناس ولحد الوقت ده.

تصريحات حمو بيكا 

وأوضح حمو بيكا خلال لقائه مع بسمة وهبة ببرنامج 90 دقيقة: بلدنا في حتة تانية وبشكر الرئيس عبد الفتاح السيسي على الانجازات اللي هو عملها.. أنا بعشقه، مدينة العلمين جميلة وأما بحب أصيف باجي فيها وهيجلها سياح من جميع العالم وهتبقى منطقة سكنية وأنا عندي هنا مكان في العلمين.

مطربي المهرجانات يقتحمون البرامج التليفزيونية.. القصة الكاملة لبرنامج حمو بيكا في رمضان 2024

حمو بيكا يُخطأ في اسم صباح وينفعل على كزبرة بسبب سلاسله الذهبية والأخير يعتدي عليه

وتابع حمو بيكا: الناس بتقول أرقام وكلام مش حقيقي عن الساحل الشمالي دي ناس بتصدر صورة وحشة للمكان.. انت لو معاك 500 جنيه هتاكل وتشرب وتتفسح بيهم كمان ومعرفش اي الساحل الشرير ده مش فاهمينه.. الناس فاكرة انها هتيجي العلمين هتدفع ملايين أنا قاعد هنا بقالي شهرين في غرفة واخدها بـ 2000 جنيه في اليوم بس.

هذا وقال حمو بيكا: حسينا بالأمان بعد تولي الفنان مصطفى كامل منصب نقيب المهن الموسيقية، أنا بعتبر مصطفى كامل، أب لجميع مطربي المهرجانات الشعبية.

وتابع حديثه: أنا أسعد واحد في الدنيا النهارده والحمدلله أن في حد جمعنا ووجهنا للمفروض نعمله، في ناس بتحبنا كتير وبتسمعنا كتير بس في ناس كانت محسسانا أن احنا بيئة وملناش وجود في الحياة، النهارده حسينا أن لينا وجود وفي ناس بتحبنا وحسينا أن سيادة النقيب أبونا فعلا مبسوط اني هشتغل لاني كان بقالي 5 سنين بعاني يوقفوني بمزاجهم ويشغلوني بمزاجهم.