حمو بيكا يُخطأ في اسم صباح وينفعل على كزبرة بسبب سلاسله الذهبية والأخير يعتدي عليه

شهدت الحلقة الجديدة من برنامج رامز جاب من الآخر، عدم معرفة مؤدي المهرجانات حمو بيكا للفنانة صباح، حيث قال أنها الفنانة شادية.

كزبرة يصفع حمو بيكا للنجأة من مقلب رامز جاب من الآخر 

كما انفعل حمو بيكا على مطرب المهرجانات كزبرة بسبب إمساكه بها مما أدى إلى قطع سلاسله الذهبية، كما اضطر الأخير على ضربه بالقلم حتى ينجو من مقلب رامز جاب من الآخر الذي رصده تحيا مصر.

تصريحات حمو بيكا 

من جانبه، قال حمو بيكا في تصريحات تليفزيونية عن انتقادات سبوع ابنته: ربنا يديني واعمل تاني والناس تتغاظ تاني، بس أنا مش بتعمد أضايق حد، وفيه ناس بتعمل أكتر من كده وبقول ربنا يديني وأعملها أكتر وأكتر وربنا بيديني، اللي يبص لعيشة الناس تحرم عليه عيشته. 

علاقة حمو بيكا بمطرب المهرجانات حسن شاكوش 

وعن علاقته بشاكوش وعمر كمال، قال: مش هيبقى فيه حد على الساحة لو مكنتش هتزلزل العالم بحق، أنا بقولهم إحنا لو اجتمعنا في أغنية، مصر مش هتسمع غيرنا تاني، إحنا عملنا أغاني كتير ناجحة ومنها شمس المجرة وصاحبي ده دراعي.

واستطرد، ممكن أرد عليهم، بس ردي بيبقى مش قصدي حاجة، وبيزعلوا مني ومبرضاش أرد غير في وقت معين وهما أخواتي وبحبهم.

وأضاف: كنت بعمل أغاني وبنام في الصحراء وكنت بشتغل نجار مسلح والأغاني بتاعتي شغالة وبردو وأنا سواق توكتوك ومسبتش التوكتوك وأنا ببيض محارة وبمشي في الشارع أسمع أغاني بتاعتي في الشارع.

وأوضح، بحلم أكون مرتاح ومستور بس ومش هكمل كل الغنا ده طول الـ 10 سنين جايين ومحتاج اعمل مصلحة عشان أفضل في الحتة اللي أنا فيها.

واستكمل، وشوفت كتير فنانين مش معاهم ومش عاوز أوصل للمرحلة ديه، ويبقى أنا مش هقعد هنا لو وصلت للمرحلة ديه، وهكافح ولسه فيا نفس وهكمل المشوار.

رامز جلال يسخر من حمو بيكا وكزبرة: عيال مبرشمة.. أفسدوا الذوق العام

وعن حصوله على تصريح النقابة، قال: حسينا بالأمان بعد تولي الفنان مصطفى كامل منصب نقيب المهن الموسيقية، أنا بعتبر مصطفى كامل، أب لجميع مطربي المهرجانات الشعبية.

وتابع حديثه: أنا أسعد واحد في الدنيا النهارده والحمدلله أن في حد جمعنا ووجهنا للمفروض نعمله، في ناس بتحبنا كتير وبتسمعنا كتير بس في ناس كانت محسسانا أن احنا بيئة وملناش وجود في الحياة، النهارده حسينا أن لينا وجود وفي ناس بتحبنا وحسينا أن سيادة النقيب أبونا فعلا مبسوط اني هشتغل لاني كان بقالي 5 سنين بعاني يوقفوني بمزاجهم ويشغلوني بمزاجهم.