بعد قليل| استئناف أحمد عز على إلزامه بدفع 23 ألف جنيه إسترليني لتوأم زينة

تستكمل محكمة استئناف عالي الأسرة، بعد قليل، استئناف الفنان أحمد عز على قرار إلزامه بدفع 23 ألفا و304 جنيهات أسترلينية، ما يعادل قرابة مليون جنيه مصري، مصروفات دراسية لسنة 2022 و2023 لتوأم الفنانة زينة عز الدين وزين الدين.

إلزام أحمد عز بدفع 23 ألف جنيه إسترليني لـ توأم زينة

أحمد عز يكشف عن موقف محرج حدث له في بداية عمله بالفن

وكانت محكمة استئناف عالي الأسرة، أصدرت حكما بإلزام الفنان أحمد عز، بدفع 23 ألفا و304 جنيهات أسترليني، ما يعادل قرابة مليون جنيه مصري، مصروفات دراسية لسنة 2022 و2023 لتوأم الفنانة زينة عز الدين وزين الدين.

كانت الفنانة زينة قد أقامت دعوى تطالب فيها بمصروفات دراسية من الفنان أحمد عز، وقدم معتز الدكر، دفاع زينة، خلال نظر الدعوى في أول درجة مذكرة تحتوي على أجر عز في فيلم الممر وأبو عمر المصري والحملات الإعلانية التي يقوم بها.

تصريحات أحمد عز مع عمرو أديب

كشف الفنان احمد عز عن العديد عن التفاصيل عن حياته الشخصية وأيضًا طفولته، كما كشف أيضا سبب غيابه عن مواقع التواصل الاجتماعى.

أحمد عز يكشف سبب طول قامته

وقال «عز» خلال لقاءه مع عمرو أديب في «بودكاست Big Time»: «انا مقدرش اشتغل بعد الساعة 2 الصبح، وسبب طولي السباحة، والدى كان بيرمينى في حمام السباحة في طفولتي أنا وأخواتي، وهذا سبب طول قامتنا».

سبب غياب أحمد عز عن الميديا

وعن سبب غيابه عن مواقع التواصل الاجتماعى ، قال «عز»: «انا ممثل سينما وعايز الناس تجيلي هذا مبدأ قديم التزم به، وتعلمته من الفنان احمد زكي، رحمة الله عليه، وأيضًا من الفنان عادل امام».

وأضاف: «أرى أن الحديث لا يزيد عن الأعمال الذي اقدمه، وليس من الجيد أن يتحدث الفنان عمال على بطال ، وبزعل جدا لما بشوف حد بيعمل كده، لأن ده بياخذ من رصيد الفنان مهما كان».

وتابع: «انا مش بحب الميديا لان حياتي متهمش حد غيري، وأرى أنها أمور لاتهم أحدًا، والجمهور لو شاف عيشتي هيزهقوا، انا بحب اصحى بدري وارجع اتفرج على فيلمين وأنام».

وقال أحمد عز: "أنا زمان كنت بتشال وأتحط بس لما شوية فهمت ورسيت عرفت ان النجاح وحب الناس ونجاح الأفلام وان ربنا يسهلك في ده انت ملكش فيه حتى لو كنت أعظم ممثل ولكن القصة في إرادة ربنا علشان كده مفيش عندي غرور ومبقتش مغرور".

غيرة أحمد عز الحميدة 

وأضاف أحمد عز: "أنا لما بعمل فيلم مع كريم عبد العزيز أو كريم بيعمل أفلام أو غيره بغير لو عمل فيلم حلو بس أنا مش عايزه يعمل فيلم وحش وخلاص لأ عايزه يعمل فيلم حلو علشان انا اعمل فيلم أحلى منه، حب الناس وكرم ربنا هو سبب النجاح".

مكانة ونجاح أحمد عز

وتابع أحمد عز: "المكانة والنجاح وأن الناس تشوفك مغرور أو تحبك مش بتاعتك دي بتاعت ربنا، وبعدين الناس فيها اللي مكفيها مش كل شوية أنزلهم في صور عن حياتي علي السوشيال ميديا أنا مش بحب الطريقة دي ازاي واحد رايح شغله وطالع عينه ويشوفني وانا نايم علي حمام السباحة هيقول لي ده أنت معندكش دم".

سر حب البنات لـ أحمد عز 

وبسؤاله: ليه البنات بتحب أحمد عز؟ علق الفنان: "والله ما اعرف وفي بداياتي لما كنت اخش السينما لأفلام ليا زي مذكرات مراهقة وسنة أولى نصب وحب البنات، لما أخش السينما من هنا الاقي ريحة البرفيوم مغرقة الدنيا وكانت افلام بتاعتي في سينما ميامي لم يحضر أحد انزل وسط البلد يحطولي صورة ولقيت مستوي الإيرادات مش كبيرة فعرفت ان فيه بنات بتحبني بس فيه شباب شايفيني اني مش شبههم خالص مش بيتوحدوا معايا وينزل فيلم لواحد تاني بعد مني الاقي عليه اقبال كبير، وده عملي عطلة في الأول وعلشان كده عملت افلام اكتر للشباب".

وتابع:" بس حب البنات ليَّ ما أعرفش سببه بس ده من كرم ربنا وحب الناس لا يقدر بالملايين، بس نقطة حب البنات أقسم بالله عمرها ما شغلت تفكيري ولكنها نعمة ربنا يديمها، وأنا أبسط بكتير أوي وأخيب بكتير أوي مما حد يتخيل مش الواد الحلانجي أخيب مما أتخيل وما بعرفش أذوق الكلام يعني أنا مش الواد بتاع البنات وده من صغري".