لقاء الخميسي: مفيش فرق بين الإسلام والمسيحية واليهودية.. وكلنا جزء من ربنا

تحدثت الفنانة لقاء الخميسي، عن الجدل الذي أُثير خلال الفترة الماضية حول ديانتها، وذلك بعد حديثها عن كونها مسلمة بالوراثة، خلال استضافتها ببرنامج أسرار مع الإعلامية أميرة بدر المذاع على قناة النهار.

لقاء الخميسي: أنا مسلمة وشايفة أن كل الأديان بتعرف ربنا

وقالت لقاء الخميسي في تصريحات رصدها موقع تحيا مصر: أنا مسلمة، أبويا مسلم وأنا مسلمة، ومعنى كلمة مسلمة أني أسلمت قلبي لـ الله، كل واحد جواه ربنا، شايف ربنا إزاي ومعتنق ديانة إيه دي تخص كل واحد متخصش حد تاني، وأنا شايفة أن كل الأديان بتعرف ربنا، ووالدتي مسيحية، وأمي عمرها ما دخلتنا في القصة دي.

وتابعت لقاء الخميسي: أمي مسيحية وكانت بتصوم معانا رمضان وتصحينا نصلي الفجر، هي بتصلي لـ ربنا بطريقتها وروحت معاها مرات كتير جدًا الكنسية وصليت، وهي نفس الصلاة لكن الطقس مختلف، والمسلم زي المسيحي زي اليهودي، والناس مش شايفة كده وكل واحد عنده أفكاره، أنا قرأت في التاريخ والدين كتير جدًا.

لقاء الخميسي: مفيش فروق بين الأديان كلنا زي بعض

وأضافت: مفيش فروق بين الأديان هو نفس الكلام، إحنا محتاجين نعرف ربنا، إحنا جزء من ربنا، مش بيقولك ونفخنا فيه من روحنا؟ الطبيعي نطلع مسلمين يعني أسلمنا قلبنا بـ الإله، يبقى كلنا زي بعض.

وتابعت لقاء الخميسي حديثها، قائلة: الديانة الإبراهيمية هي الأساس لأن إبراهيم هو الأساس، والدين يتحدث عن الله واحد مفيش غيره والأديان مختلفوش، وقبل ما يبقى في إسلام في مصر كانت مسيحية وقبلها يهودية، دخل عمرو بن العاص بقت مصر مسلمة.

وعن علاقتها بالشيوخ أوضحت: مبسمعش شيوخ بتتكلم عن الدين، ومبحبش أقول أنا مع مين وضد مين، ولكن بحب أسمع النقشبندي، أنا عشت في بلد مش محتاجة حد يشرحلي حاجة، ولما كنت في الإمارات التربية الدينية كان جزء من المناهج ومدرسين الدين كانوا مصريين، أنا بقرأ بس ومبسمعش لـ حد، سمعت كتير ولكن مش مقتنعة بكل الحاجات، في ناس دلوقتي لطيفة زي الشيخ مصطفى حسني مريح وهادي وواعي، ممكن أكون أنا مش محجبة لكن أنا بحبه، بيديني إحساس السلام النفسي، علاقتنا بـ ربنا مش خناقة.

القصة كاملة حول شكوى لقاء الخميسي من ارتفاع الأسعار وتراجعها

بعد تصريح “زيت الزيتون بـ 1200”.. لقاء الخميسي تعتذر: كان فيه خطأ في الفواتير والأسعار مغلتش

لقاء الخميسي: علاقتي بربنا أحلى حاجة في الحياة وأنا راضية بحياتي 

واستكلمت: في ناس بتضايق من أرائي وبيشتموني، لو أنت رافض فكرة تناقش أو ابعد تخطيها، والناس بتشتم تقول أنتي متعرفيش ربنا، هل هما عارفين حياتي؟ أنا بعمل إيه في بيتي أو بدعي ربنا بقول إيه؟ حد دخل جوايا أنا صادقة ولا لأ؟ ربنا الوحيد اللي عارف الصدق من عدمه.

واختتمت لقاء الخميسي حديثها: علاقتي بـ ربنا أحلى حاجة في الحياة، أنا راضية ومعايا زوج جميل راضي، وكل يوم الصبح بشكر ربنا على كل حاجة.