القصة كاملة حول شكوى لقاء الخميسي من ارتفاع الأسعار وتراجعها

حالة واسعة من الجدل أثارتها الفنانة  لقاء الخميسي بعد خروجها عبر حسابتها الرسمية على مواقع التواصل الاجتماعي لتشكو من غلاء الأسعار.

تحيا مصر

لقاء الخميسي تشكو من غلاء الأسعار 

وقالت لقاء الخميسي في مقطع فيديو نشرته عبر حسابها الرسمي بموقع تبادل الصور والفيديوهات القصيرة انستجرام: عندي سؤال وأول مرة أتكلم في الموضوع ده.. إحنا رايحين لحد فين بجد، لما قزازة زيت الزيتون يكون سعرها 1206 اي اللي فاضل أنا ممنوعة من كل الزيوت والزبدة، أكل بإية بـ مية؟ سيبكم مني بقيت الحاجات الناس عايشة ازاي؟ الحاجة غليت، ياعالم ارحمونا وارحموا البشر، ارحموا الناس.

لقاء الخميسي تتراجع عن شكواها من غلاء الأسعار 

ولكن تراجعت لقاء الخميسي بعدها عن شكواها قائلة: بخصوص تصريحات زيت الزيتون وإنه وصل لـ 1200 جنيها، أنا تواصلت مع الشركة وفيه  فاتورتين جم، فاتورة جت خطأ وهي 1205 كنت فكراها لعبوة زيت واحدة  ولكن اكتشفت إنه فيه  خطأ 1300 على عبوتين زيت الأسعار لسة مغلتش وبعتذر عن الخطأ ده.

تصريحات لقاء الخميسي 

من جانبه، تحدثت لقاء عن تعرضها للتنمر قائلة: أنا كنت في الإعدادية بنوتة مقلبظة جدًا في مرحلة المراهقة، بالرغم من أني كنت بلعب رياضة، وكنت بلعب باتيناج واسكواش وتنس، والتخن اللي كنت فيه كان بسبب الهرمونات والتحول من طفلة الى مراهقة.

اقرأ أيضًا..

ناقدة فنية عن مسلسل سيب وأنا اسيب: سئ كتابةً وإخراجًا وهنا الزاهد مش مسئولة عن دا 

حنان شومان عن ابتعاد عبلة كامل عن الساحة: عندها حق لأنه مفيش عمل يصلح ليها 

وتابعت، وساعات كتير أوي مكنتش مبسوطة بنفسي وبحس أني مهزوزة ومش واثقة في نفسي وخصوصًا أن فيه ناس كتير من صحابي في المدرسة كانوا بيهزروا معايا بطريقة مش ألطف حاجة، زي ايه دا دا انتي تخنتي كدا ليه، وأكيد هما مكنش قصدهم.

وأشارت لقاء إلى أن والدتها هي من كانت السبب وراء تغلبها على التنمر، حيث قالت: “وأنا كنت متصالحة مع نفسي جدًا علشان أمي كل يوم الصبح وأنا لابسة لبس المدرسة وتخينة كانت بتقولي أنتي قمر في سماه أنتي أميرة جميلة، وكل البنات اللي ربنا خلقهم أميرات جميلات، كل واحدة على حسب شكلها وجمالها وسحرها، ربنا خلقنا مختلفين ومن الاختلاف بيظهر الجمال”.

واستطردت، أي حد بيتريق أو بيقول كلام مش كويس بيصعب عليا، علشان أنا ببقى متأكدة أنه جواه وجع ما بيحاول يخرجه نتيجة كلمة اتقالت له وهو صغير من أهله أو صحابه وجعته أوي أوي مش عارف يتخلص منها فبيطلعها على الاخر”.

وأردفت، وعشان الكلام ميأثرش فينا لازم يكون عندنا ثقة في النفس، وهتيجي من حبك لنفسك، ربنا خلقنا عشان بيحبنا عشان أنت رسول ربنا على الارض، ربنا بيحبك جدًا زي ما أنت، قصير طويل تخين رفيع، وعشان أنت ترد الحب لربنا لازم تحب نفسك.