اكتشفت أن الماتور متغير.. ضحية النصب في الإسماعيلية يكشف مفاجأة عن سيارته|فيديو

تعرض مواطن للنصب في الإسماعيلية حيث قام بشراء سيارة من معرض سيارات إلا أنه اكتشف أن السيارة غير ثابت برخصتها ماتور السيارة الجديد والذي قام مالكها بتيره بدون إخباره بذلك.

قتلها وهي بتصلي الفجر.. خال ضحية زوجها في كفر الشيخ: حاله اتقلب مرة واحدة|فيديو

الداخلية تضبط أكاديمية وهمية في المعادي

الداخلية تواصل مكافحة جرائم السرقات في القاهرة

خطوات وتكلفة استخراج جواز سفر اول مرة 2024

مواطن يتعرض للنصب في الإسماعيلية

وقال ضحية النصب في الإسماعيلية رضا م لـ موقع تحيا مصر، أنا اشتريت العربية من حوالي سنة وأنا رايح أرخصها فوجئت بالفحص الفني بتاعها، وأن رقم الماتور اللي راكب مش الرقم اللي مثبوت في الرخص، واللي باعلي العربية مقاليش أنه مغير الماتورر بتاعها.

وتابع ضحية النصب في الإسماعيلية، روحت الإدارة العامة للمرور بسبب غلطة مش بتاعتي وده ذنب صاحب العربية، وطلبت منه الفاتورة وجابلي الفاتورة، وأشتريت العربية من معرض وجابلي الرخصة بالتوكيل وهو ثابت الماتور القديم في الرخصة، وكان مفروض يفهمني انه مغير ماتور عشان اعرف اتصرف.

ضحية النصب يكشف تفاصيل شراء سيارة مغشوشة

وأكد ضحية النصب في الإسماعيلية، أنا روحت عشان الفحص ولقيتهم بيقولوا الشاسيه مظبوط في الإدارة العامة لمرور الإسماعيلية وقالوا الماتور مش مظبوط ومخالف وحولوني الإدارة العامة للمرور والعربية اتنقلت على ونش ولحد دلوقتي العربية مضبوطة في المرور وأنا قولت للشرطة أن العربية مش بتاعتي وأنا اشترتها كدة.

واستكمل ضحية النصب في الإسماعيلية، ده مش مجالي وأنا معرفش حاجة عن اللي حصل في العربية ولما روحت له وقولت له عايز الورق بتاع العربية وأنا روحت الإدارة العامة للمرور وعايز ورق الإفراج الجمركي قالي أنا مرخص كدة، طيب إزاي رخصتها كدة وطبعا العربية اتفككت في الإدارة العامة للمرور عشان طبعا ممكن يكون في شبهة جنائية في العربية.

ضحية النصب: لقيت ماتور العربية متغير ومش مثبوت

واستطرد ضحية النصب في الإسماعيلية، أنا اشتريت العربية من واحد معندوش تقدير وحصل قاعدة واتفق أنه يرخص العربية وجيت اتصلت بيه مش عايز يرد ولما بروح المعرض بيتهرب مني، ومعايا كل ورق العربية والعربية اتفكت في الإدارة العامة للمرور عشان يتأكدوا أنها مسروقة ومتغير فيها حاجات ولا لا، وأنا عايز حقي وعايز ارخص العربية وأنا مش ذنبي أنا اشتريت العربية مش عايز مشاكل، عايز بس جواب المرور والماتور عشان أرخص العربية.

وانهى ضحية النصب في الإسماعيلية، أنا روحت له كتير وهو مش عايز يقدرني ولا يحل الموضوع أو يساعدني في ترخيص العربية، وكل شوية يقولي أنا بعت العربية وماليش دعوة،وبعدها قالي أنا ممكن أخدها تاني بس هاخد ايجار شهري 6 آلاف جنيه وأديك باقي الفلوس، وأنا بنصح كل الناس وهي بتشتري عربية تكشف عليها في المرور الأول عشان ميحصلش اللي حصل معايا.