قتلها وهي بتصلي الفجر.. خال ضحية زوجها في كفر الشيخ: حاله اتقلب مرة واحدة|فيديو

جريمة مأساوية شهدتها محافظة كفر الشيخ، حيث اقدم زوج على إنهاء حياة زوجته قبل دقائق من صلاة الفجر بعد تناول وجبة السحور في أيام شهر رمضان بمحافظة كفر الشيخ، ويكشف موقع تحيا مصر تفاصيل الواقعة.

الداخلية تضبط أكاديمية وهمية في المعادي

الداخلية تواصل مكافحة جرائم السرقات في القاهرة

خطوات وتكلفة استخراج جواز سفر اول مرة 2024

الداخلية تضبط عصابة الشرطة المزيفة في الدقهلية

القصة الكاملة لجريمة السحور في كفر الشيخ

حيث التقى موقع تحيا مصر مع خال الضحية المجني عليها ضحية زوجها في كفر الشيخ، والذي قرر بأن الواقعة حدثت في قرية أبو طبل التابعة لـ كفر الشيخ، والذي قرر بأن المجني عليها انجبت من زوجها 3 أطفال وكان حينها مواظبا على الصلاة في أوقاتها، حتى قرر فجأة التغيير وانقلبت أحواله، حيث بدأ يحمل السلاح في كافة الأوقات حتى خافت ابنته من ذلك.

وتابع خال المجني عليها في جريمة السحور بـ كفر الشيخ، حال المتهم اتقلب فجأة لأنه كان بيصلي وبيصوم وفجأة حاله اتقلب ومحدش كان يعرف في أيه اللي بيحصل، وفي الفترة الأخيرة كان بيشيل سلاح وبنتهم كانت بتشوفه وبتقول لوالدتها المجني عليها، إزاي يعمل كدة وكانت المجني عليها بتسيب البيت وتمشي وبعدها يروح يرجعها ويصالحها.

خال ضحية كفر الشيخ: جوزها اتقلب حاله فجأة 

وأضاف خال ضحية كفر الشيخ، قبل رمضان بأسبوع هو حاول يصالحها ورجعها البيت تاني وساعتها هي رجعت معاه بعد ما طلب منها تصالحه وفعلا وافقت وبردو عمره ما اتغير ومكنش في أسباب أو حد يعرف هو بيعمل كدة ليه، ممكن يكون من أصحاب السوء أو من المخدرات لكن محدش فينا كان يعرف هو بيعمل كدة ليه.

واستكمل خال المجني عليها في جريمة كفر الشيخ، يوم الجريمة المجني عليها قامت تصلي السنة قبل صلاة الفجر بعد السحور على طول، وساعتها دخل عليها من ضهرها وهي على سجادة الصلاة وخنقها من ضهرها ومسبهاش غير لما ماتت وساعتها بنتهم شافته وهو بيخنقها بأيده.

البنت الصغيرة شافت الواقعة ونزلت جري لجدها قالت له الحق ياجدي بابا بيخنق ماما وطلع الجد يشوف مرات ابنه لقاها مرمية على الأرض وميتة وحاولوا يفوقوها معرفوش وهو جري في الشارع والمباحث جت ومسكوه، الست كانت بتصلي السنة بتاعت الفجر وهو خنقها في الوقت ده، ماتت عندها 25 سنة ومعاها 3 عيال.

وتابع خال المجني عليها ايمان محدش يعرف هو عمل كدة ليه وهل ممكن يكون المخدرات السبب في كل ده واهل البلد كلها بيقولوا ان ايمان الله يرحمها محترمة وشايلة معاه البيت واستحملت كتير جدا معاه، والمتهم مكنش كويس والمجني عليها محترمة جدا وخجولة جدا وصاينة بيتها وجوزها وهي زوجة من الدرجة الأولى وهو صمم يموتها وفضل خانقها ب ايده لحد ما خلص عليها انا مش مدرك ولما شوفتها تخيلت أنها لسه عايشة شكلها في التلاجة كأنها لسه عايشة

وهي معاها 3 عيال صغيرين حسبي الله ونعم الوكيل فيه وهو قاسي جدا وخرب بيته ودمر أسرة كاملة وخلص على مراته ودلوقتي مين هيشيل العيال دي ومين هيربيهم بعد اللي هو عمله وهي كانت الله يرحمها كتومة جدا ووالدتها كانت بتعرف انها مش مبسوطة وكانت عايشة من غير شكوى وديما كانت بتشتكي لأمها بس لكن كانت بتتحمل جدا وحسبي الله ونعم الوكيل في المتهم ده.