حورية فرغلي: لأن ربنا حرمني من الأطفال هعمل مسرحية ليهم.. ومحدش هيقدر يكسرني

كشفت الفنانة حورية فرغلي أن مصدر قوتها نابعًا من إصرارها، وذلك خلال لقاء لها ببرنامج أسرار النجوم، مع الإعلامية إنجي علي، عبر محطة راديو نجوم إف إم.

حورية فرغلي: محدش يقدر يكسرني

وقالت حورية فرغلي في تصريحاتها التي يرصدها موقع تحيا مصر: قوتي نابعة من إصراري، ومحدش هيقدر يكسرني، واكتسبت القوة دي من ساعة الحادثة اللي تعرضت ليه، ومن وقت ما الناس اللي ساعدتهم تخلوا عني ومبقوش يسألوا عني، وأنا معنديش غير صديقة واحدة بتشتغل في مجال العقارات.

وتابعت: أنا دايما بقول إن حورية هتكون أحسن من الأول رغم كل اللي بيحصل، وأنا سعيدة ومبسوطة ومش زعلانة من حد وبعيش اليوم بيومه، ولكن بردو وحشني الشغل أنا بعشق التمثيل لأني بعيش جواه كذا حياة وكل حاجة كان نفسي أعملها بتظهر في الشخصيات التي بعملها، ومشكلتي إني مليش معارف في الوسط الفني.

حورية فرغلي توجه رسالة للجمهور

وفي جزء آخر من الحلقة، وجهت حورية فرغلي رسالة للجمهور، فقالت: أقول للجمهور أنتوا وحشتوني جدا وعايزة أرجع لكم بعمل قوي ولكن بيتعرض عليّا أعمال للأسف مس بنفس القوة اللي معتادين عليها مني، ولأن ربنا حرمني من الأطفال وأنا بعشقهم، لذلك قررت أقدم مسرحية جديدة للأطفال عن قصة (رابونزل) وهتتعرض بعد عيد الفطر.

حورية فرغلي عن أعمالها القادمة: مش هقول عشان خايفة اخد عين

أكبر صدمة.. هكذا علقت حورية فرغلي على انفصال أحمد العوضي وياسمين عبد العزيز

حورية فرغلي: التنمر أذاني أكتر من الحادثة

وفي الحلقة ذاتها، أكدت الفنانة حورية فرغلي على أنها تأذت من التنمر عليها أكثر من الحادثة، وقالت: اتعرضت لتنمر كبير بسبب العمليات التي عملتها في أنفي ووشي، ودا دخلني في حالة اكتئاب فظيعة، والحقيقة التنمر أذاني أكتر من الحادثة اللي اتعرضت ليها.. وأنا الحمد لله حاليا بعد أخر عملية عملتها بقيت أشم بشكل كويس وحياتي بقيت أفضل، واللي عايز يشغلني يشغلني، أنا موجودة وجوايا طاقة أكبر من الأول.

موقف حورية فرغلي من الزواج 

وعلى صعيد أخر، حرصت الفنانة حورية فرغلي على الكشف عن نيتها في الزواج، وذلك بعد تصريحاتها الأخيرة بأنها كانت من أمنية حياتها الزواج، مشيرة إلى أنها بعد عملية استئصال الرحم أبعدت هذه الفكرة عن ذهنها تماما.