أكبر صدمة.. هكذا علقت حورية فرغلي على انفصال أحمد العوضي وياسمين عبد العزيز

علقت الفنانة المصرية حورية فرغلي على انفصال النجمة ياسمين عبد العزيز عن الفنان أحمد العوضي، حيث أعلنا الثنائي طلاقهما خلال الساعات الماضية.

حورية فرغلي تحزن لطلاق ياسمين عبد العزيز وأحمد العوضي 

ونشرت حورية فرغلي صورة تجمع ياسمين عبد العزيز بالفنان أحمد العوضي عبر حسابها الرسمي بموقع تبادل الصور والفيديوهات القصيرة إنستجرام، وعلقت عليها قائلة في منشور يرصده تحيا مصر: أكبر صدمه فعلًا.. أجمل وأطيب إنسانة ياسمين عبد العزيز حبيبة قلبي.. أكيد فيه حاجة غلط الناس وحشة أوي وبقت مؤذية ربنا يهدي النفوس يا رب.

حورية فرغلي تتحدث عن طفولتها

من جانبه، قالت حورية فرغلي في برنامج in Deeb في العمق: طفولتي كانت صعبة، بابا وماما انفصلوا وأنا عندي 48 ساعة، أكتر حاجة عايزة أنساها هي طفولتي، لأني أتحرمت من الطفولة والمراهقة.

تصريحات حورية فرغلي 

وتابعت حورية فرغلي، الدادة بتاعتي كانت أحن واحدة عليّ، كانت فلبينية وقعدت معايا لحد ما بقى عندها 73 سنة وماتت، كنت بقولها ياتيتا، زوج ماما كان حنين عليّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة.

وأردفت حورية فرغلي، بسبب حجم الإذاء وأزمة الطفولة، أنا قعدت لـ 8 سنين مبتكلمش، ولا بنطق خالص، الدكتور قال لماما بنتك مبتتكلمش، لأنها محتاجة حب وحنان كتير.

وأضافت، من أسباب نجاح ساحرة الجنوب أني بحب المقابر، ومبخافش منها، وأدفنت مرة، ومرضتش يجيبوا واحدة بدالي تعمل المشهد أنا اللي عملته، أتدفنت في مقابر العياط، وهناك في شجرة كبيرة، الساعة 3 الفجر، الدنيا كانت حر ورطوبة بطريقة صعبة.

واختتمت حورية فرغلي حديثها قائلة: أول ما حفروا الحفرة وحطوني تحت كان الجو تلج، كأنها تلاجة موتى، أطلع فوق حر موت، لكن مخوفتش ومحستش بحاجة، لاني كنت عارفة أنه تمثيل، أنا مبخافش من الموت، ومستعدة له، نفسي يجي بصراحة، لأن الدنيا بقا دمها تقيل، الناس أتغيرت وأخلاقها أتغيرت، مبقوش يخافوا وبقا في عنف، ومفيش أصول.

هذا وقال حورية فرغلي: إيه اللي الناس بتحسدني عليه، أنا قاعدة لوحدي، عندي كلب، ومعنديش صحاب، وتليفوني مبيرنش، بقرأ طول الوقت.

حورية فرغلي تثير الجدل: نفسي أتجوز.. مش عارفه حاسدني على ايه

حورية فرغلي: مبفكرش في الجواز دلوقتي ونفسي اعمل حتشبسوت وبعدين أموت

وتابعت الفنانة المتألقة حورية فرغلي، مش عارفة الناس بتحسدني على إيه، أنا عندي 46 سنة، نفسي أتجوز ويكون عندي عيلة ونفسي مش أعيش لوحدي، وده محصلش لغاية دلوقتي، فأنا مش عارفة هما حاسدني على إيه بالظبط.