حورية فرغلي تثير الجدل: نفسي أتجوز.. مش عارفه حاسدني على ايه

تصدرت الفنانة المصرية حورية فرغلي التريند، وذلك بعدما كشفت عن رغبتها في الزواج لشعورها بالوحدة مستنكرة حسد الجمهور لها.

تحيا مصر يرصد شكوى حورية فرغلي من عدم زواجها والشعور بالوحدة.

حورية فرغلي: أنا قاعدة لوحدي عندي كلب ومعنديش صحاب

ونشرت حورية فرغلي مقطع فيديو عبر حسابها الرسمي  بموقع تبادل الصور والفيديوهات القصيرة انستجرام، قالت فيه: إيه اللي الناس بتحسدني عليه، أنا قاعدة لوحدي، عندي كلب، ومعنديش صحاب، وتليفوني مبيرنش، بقرأ طول الوقت.

حورية فرغلي تكشف عن رغبتها في الزواج 

وتابعت، مش عارفة الناس بتحسدني على إيه، أنا عندي 46 سنة، نفسي أتجوز ويكون عندي عيلة ونفسي مش أعيش لوحدي، وده محصلش لغاية دلوقتي، فأنا مش عارفة هما حاسدني على إيه بالظبط.

هذا وقالت حورية فرغلي في برنامج in Deeb في العمق: طفولتي كانت صعبة، بابا وماما انفصلوا وأنا عندي 48 ساعة، أكتر حاجة عايزة أنساها هي طفولتي، لأني أتحرمت من الطفولة والمراهقة.

تصريحات حورية فرغلي 

وتابعت حورية فرغلي، الدادة بتاعتي كانت أحن واحدة عليّ، كانت فلبينية وقعدت معايا لحد ما بقى عندها 73 سنة وماتت، كنت بقولها ياتيتا، زوج ماما كان حنين عليّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة.

وأردفت حورية فرغلي، بسبب حجم الإذاء وأزمة الطفولة، أنا قعدت لـ 8 سنين مبتكلمش، ولا بنطق خالص، الدكتور قال لماما بنتك مبتتكلمش، لأنها محتاجة حب وحنان كتير.

وأضافت، من أسباب نجاح ساحرة الجنوب أني بحب المقابر، ومبخافش منها، وأدفنت مرة، ومرضتش يجيبوا واحدة بدالي تعمل المشهد أنا اللي عملته، أتدفنت في مقابر العياط، وهناك في شجرة كبيرة، الساعة 3 الفجر، الدنيا كانت حر ورطوبة بطريقة صعبة.

اقرأ أيضًا..

إلهام شاهين عن هشام سليم في ذكرى رحيله: عزائنا الوحيد أنه ارتاح من المرض

إلهام شاهين عن شخصيتها في الفريدو: المسلسل دمرني لدرجة أن أنا شخصيًا كنت بنسى 

واختتمت حورية فرغلي حديثها قائلة: أول ما حفروا الحفرة وحطوني تحت كان الجو تلج، كأنها تلاجة موتى، أطلع فوق حر موت، لكن مخوفتش ومحستش بحاجة، لاني كنت عارفة أنه تمثيل، أنا مبخافش من الموت، ومستعدة له، نفسي يجي بصراحة، لأن الدنيا بقا دمها تقيل، الناس أتغيرت وأخلاقها أتغيرت، مبقوش يخافوا وبقا في عنف، ومفيش أصول.