حورية فرغلي عن أعمالها القادمة: مش هقول عشان خايفة اخد عين

تحدثت الفنانة المصرية حورية فرغلي عن أعمالها القادمة بعد جدل ارتباطها بالإعلامي العراقي نزار الفارس، رافضة الكشف عن التفاصيل وذلك خوفًا من الحسد.

أعمال حورية فرغلي القادمة

وقالت حورية فرغلي خلال لقاءها بكاميرا تحيا مصر: مش هقول عن أعمالي الجاية عشان خايفة من العين.

حورية فرغلي تتحدث عن طفولتها

من جانبه،  قالت حورية فرغلي في برنامج In deep: طفولتي كانت صعبة، بابا وماما انفصلوا وأنا عندي 48 ساعة، أكتر حاجة عايزة أنساها هي طفولتي، لأني أتحرمت من الطفولة والمراهقة.

وأضافت حورية فرغلي: الدادة بتاعتي كانت أحن واحدة عليّ، كانت فلبينية وقعدت معايا لحد ما بقى عندها 73 سنة وماتت، كنت بقولها ياتيتا، زوج ماما كان حنين عليّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة.

واستطردت حورية فرغلي: بسبب حجم الإذاء وأزمة الطفولة، أنا قعدت لـ 8 سنين مبتكلمش، ولا بنطق خالص، الدكتور قال لماما بنتك مبتتكلمش، لأنها محتاجة حب وحنان كتير.

أسباب نجاح ساحرة الجنوب بطولة حورية فرغلي 

وأوضحت، من أسباب نجاح ساحرة الجنوب أني بحب المقابر، ومبخافش منها، وأدفنت مرة، ومرضتش يجيبوا واحدة بدالي تعمل المشهد أنا اللي عملته.. أتدفنت في مقابر العياط، وهناك في شجرة كبيرة، الساعة 3 الفجر، الدنيا كانت حر ورطوبة بطريقة صعبة.

وأضافت: أول ما حفروا الحفرة وحطوني تحت كان الجو تلج، كأنها تلاجة موتى، أطلع فوق حر موت، لكن مخوفتش ومحستش بحاجة، لاني كنت عارفة أنه تمثيل، أنا مبخافش من الموت، ومستعدة له، نفسي يجي بصراحة، لأن الدنيا بقا دمها تقيل، الناس أتغيرت وأخلاقها أتغيرت، مبقوش يخافوا وبقا في عنف، ومفيش أصول.

أكبر صدمة.. هكذا علقت حورية فرغلي على انفصال أحمد العوضي وياسمين عبد العزيز

حورية فرغلي تثير الجدل: نفسي أتجوز.. مش عارفه حاسدني على ايه

وعلقت سارة نخلة خلال برنامجها فيس أوف على شاشة قناة هي على تصريحات حورية فرغلي قائلة: في بعض التصريحات مينفعش ي جماعة اننا نقولها عن عبث بدون سيرش أو نسأل، مينفعش نجمة بحجم حورية فرغلي تطلع تقولك أنا منعوني من التبني، لو جينا للدين إحنا حرام نتبنى، في حاجة اسمها كفالة اليتيم، في دولة بتشتغل كل سنة على مشاريع جديدة وتسهيلات كتيرة جدا علشان نقدر نكفل اليتامى والأطفال اللي محتاجة رعاية.

وتابعت، القوانين اللي بتتعمل أو التسهيلات دي الهدف منها تقليل عدد المؤسسات أو دور الرعاية، وزيادة عدد الأطفال المكفولين، إحنا كدولة بنشوف مشروعات من وزارة التضامن الاجتماعي بتوفر وتسهل لينا الكفالة فمينفعش أطلع أقول مسمحوش ليا لأن في شروط للكافلة ممكن يكون حضرتك مستوفتيش الشروط كلها، الكلام واضح ومش محتاج ترجمة مش هصحي الصبح أقول عايزة أكفل طفل ف هيحصل.