استعدادًا لحفلها غدًا.. شيرين عبد الوهاب تصل لبنان

وصلت النجمة شيرين عبد الوهاب اليوم الجمعة إلى العاصمة اللبنانية بيروت، استعدادًا لإحياء حفلها في لبنان مساء غد السبت الموافق 24 من شهر فبراير الجاري.

شيرين عبد الوهاب تكشف عن ندمها على تقديم أغنية ما تجرحنيش

في سياق مختلف، كشفت شيربن عبد الوهاب عن ندمها على تقديم أغنية ما تجرحنيش، وهو ما جعل الشاعر بهاء الدين يفتح النار عليها في منشور يرصده تحيا مصر عبر حسابه الرسمي على موقع التواصل الاجتماعي فيسبوك قائلًا: مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جدا.

بهاء الدين محمد يهاجم شيرين عبد الوهاب 

وتابع بهاء الدين محمد: المشهد الأول، أول يوم دخلت شيرين عبد الوهاب مكتبي كانت مع الأستاذنصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء

وأضاف: والمشهد الثاني رشحتها تغني كتير بنعشق، ولولا موافقة نصر احتراما للعشرة اللي بنا ماكانتش هتغنيها، لأنها كانت موقوفه من النقابة.

شيرين عبد الوهاب تخضع لبروفات غنائية استعدادًا لحفل الليلة السعودية المصرية

شيرين عبد الوهاب تخطف الأنظار في حفل ليلة سعودية مصرية

واستكمل بهاء الدين: المشهد الثالث لما فوجئت بمدير أعمالها الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول.. المشهد الرابع والأخيرأغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. وماتجرحنيش من أهم أعمالي ومن حقي أدافع عنها نتاج تهور اللي غنيتها.

تصريحات بهاء الدين محمد عن شيرين عبد الوهاب 

واختتم الشاعر بهاء الدين حديثه قائلًا: وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم.

جدير بالذكر أنه انتشرت شائعات خلال الفترة الماضية، تفيد بارتباط الفنانة شيرين عبد الوهاب بخطيب الفنانة ميرهان حسين السابق بعد انفصالها عن المطرب حسام حبيب، وهو ما أحدث ضجة عارمة وأثار جدل واسع عبر منصات السوشيال ميديا.