شيرين عبد الوهاب تخضع لبروفات غنائية استعدادًا لحفل الليلة السعودية المصرية

تستعد النجمة المصرية شيرين عبد الوهاب، لحفل الليلة السعودية المصرية في دار الأوبرا من خلال إجراء عدة بروفات، حيث تنظمه هيئة الترفيه بالمملكة العربية السعودية بالتعاون مع وزارة الثقافة المصرية، كأولى الحفلات السعودية المصرية.

تأجيل حفل شيرين عبد الوهاب 

وتم تأجيل حفل شيرين عبد الوهاب الذي يرصده تحيا مصر والذي كان من المقرر إقامته اليوم السبت الموافق 17 فبراير وذلك بسبب التجهيزات الضخمة.

بهاء الدين يهاجم شيرين عبد الوهاب 

وهاجم الشاعر بهاء الدين، شيرين عبد الوهاب بعدما كشفت على ندمها بشأت تقديم أغنية ما تجرحنيش، حيث قال: مش متعود أرد على أي حد.. ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جدا.

وتابع بهاء الدين محمد: المشهد الأول، أول يوم دخلت شيرين عبد الوهاب مكتبي كانت مع الأستاذنصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء

أزمة شيرين عبد الوهاب وبهاء الدين 

وأضاف: والمشهد الثاني رشحتها تغني كتير بنعشق، ولولا موافقة نصر احتراما للعشرة اللي بنا ماكانتش هتغنيها، لأنها كانت موقوفه من النقابة.

واستكمل: المشهد الثالث لما فوجئت بمدير أعمالها الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول.. المشهد الرابع والأخيرأغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. وماتجرحنيش من أهم أعمالي ومن حقي أدافع عنها نتاج تهور اللي غنيتها.

18 فبراير.. موعد حفل شيرين عبد الوهاب في الأوبرا

بعد انفصاله عن شيرين عبد الوهاب.. طرح أحدث أغاني حسام حبيب بعنوان كدابة

واختتم: وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم.

جدير بالذكر، أن نبأ انفصال النجمة المصرية شيرين عبد الوهاب عن زوجها الفنان المتألق حسام حبيب خلال الفترة الماضية أحدث ضجة عارمة عبر مواقع التواصل الاجتماعي المختلفة وأثار جدل واسع متصدرًا محركات البحث والمنصات المختلفة.