يسرا: اتظلمت كتير.. وسيبت أبويا بعد ما فتحلي وشي

كشفت الفنانة يسرا عن الأجر الذي حصلت عليه في أول بطولة مطلقة لها بالسينما، وذلك خلال لقاء لها ببرنامج بصمة، المذاع عبر شاشة تلفزيون قناة الشرق ديسكفري.

تصريحات يسرا في برنامج بصمة

وقالت يسرا في تصريحاتها التي يرصدها موقع تحيا مصر: أول بطولة ليا في السينما أخدت ألف جنيه كان في السبعينات وكان فيلم قصر في الهوى، وانا عمري ما درست التمثيل وفي نفس الوقت بحب التمثيل، كنت بروح معهد السينما وكانوا بياخدوني كموديل يصوروني.

وتابعت يسرا متحدثة عن تركها لوالدها: أنا في سن الـ 21 سيبت والدي ومشيت بعد حادثة كبيرة جدا حصلت بيني وبينه وكان تقريبا وشي اتفتح، وحتى مكنش في مجال أني أمثل وقعدت سنة ونص عملت 3 عمليات، وابتديت حياة من الصفر.

يسرا: اتظلمت كتير في حياتي

وفي اللقاء نفسه، أكدت يسرا على أنها تعرضت للظلم كثيرا في حياتها، فقالت: اتظلمت كتير جدا، في طفولتي ومراهقتي وبداية حياتي، طلقوني من جوزي 200 مرة، وقالوا عني أنه اتجوزني غصب عنه، واتكلموا عني وعن حياتي لغاية النهاردة، احنا بقالنا 28 سنة، ولكن الناس مش عايزة تسكت ومش لاقية حاجة تعملها وعمرك ما هترضي كل الناس.

يسرا: عيشت طفولة تعيسة مع أبويا.. وطلبت السماح من جوز أمي لأني أساءت معاملته

حقق 300 جنيها فقط.. سحب فيلم ليلة العيد بطولة يسرا من دور العرض

يسرا تتحدث عن طفولتها

وتحدثت الفنانة يسرا عن تفاصيل طفولتها مع والدتها ووالدها، ومدى الصعوبة التي واجهتها في هذه المرحلة، فقالت: أنا اتربيت في وسط أمي وجدتي وخلاتي وخلاني وقعدت معاهم لغاية سن الـ 14 والحقيقة عملوا مجهود كبير جدا عشان يدوني حياة حلوة، أنا فاكرة أن أمي كانت تنزل تبيع أي حاجة عندها عشان تدخلني أغلى مدرسة عشان اتعلم كويس وأنا مدرستي كانت الانترسكول وقتها كانت حاجة كبيرة جدا.

وتابعت: ولحد سن معين أقدر أقول أنها كانت طفولة سعيدة، بعد الـ 14 مكنتش طفولة سعيدة لأن والدي أخدني من ماما فبالتالي عيشت مع والدي وأنا معرفوش وكان غريب بالنسبالي وحد مفيش بيني وبينه تفاهم، كان صعب جدا من حياة فيها كل حاجة ليكي لفاجأة حياة مفيهاش ولا حاجة ليكي، منعني من المدرسة، فمروحتش المدرسة فدرست في البيت فلما نجحت قالي نجحتي ازاي، كان دايما عندي تحدي أنك هتكوني وهتبقي وهتنجحي وهتعدي المرحلة.