لسوء حالتها النفسية.. ريهام سعيد في عطلة من برنامجها هي وصبايا الخير

قررت الإعلامية المصرية ريهام سعيد، أخذ عطلة من برنامج  هي وصبايا الخير المذاع عبر قناة هي، وذلك بسبب سوء حالتها النفسية نتيجة تشوه وجهها بعد خضوعها لعملية تجميل.

ريهام سعيد تبتعد عن شاشات التليفزيون

وكتبت ريهام سعيد عبر حسابها الرسمي بموقع التواصل الاجتماعي فيسبوك في منشور يرصده تحيا مصر: أنا آسفة أنا في إجازة من الشغل لغاية ما  نفسيتي تتحسن هتوحشوني.

ريهام سعيد تتوعد لطبيب التجميل اللبناني 

وكانت قالت ريهام سعيد في مقطع فيديو جديد لها عبر حسابها الرسمي بموقع تبادل الصور والفيديوهات القصيرة انستجرام: حقي هاخده بالقانون وعرفت أنه ليك عمليات كتير فشلت ومحدش عاقبك، فيه حقائق كتير الناس عرفاها ومش هقولها ولسة بيتبعتلي فيديوهات وصور لحد دلوقتي لعمليات فاشلة ليك.. انا مستنداتي وشي اللي مش عارفة هو عامل كدة ليه، شوفتوا عملية التجميل حلوة ازاي، بصوا بقيت حلوة ازاي وشفايفي اللي بقت من هنا لهنا.

تشوه وجه ريهام سعيد بعد إجراءها عملية تجميل

وتابعت، انا مش عارفة انت ازاي بتتكلم وازاي بترد، نزل فيديوهات زي مانت عايز واعمل اللي انت عايزه، أنا عشان ست مؤدبة ومحترمة مجبتش سيرتك خاص، انا بقالي 11 شهر بترجاك انك تنقذني وانت معترف أنه فيه حاجة غلط بس كنت بتهون عليا بأن لسه محتاجة وقت، أنا مجبتش سيرتك قولت عملت عملية واتشهوت مقولتش مع مين ولا روحت لمين مع اني لو طلعت قولت اسمك مش هيكون تشهير.

وأضافت ريهام سعيد، أنا 3 مرات خارجة من بيروت بوثيقة أن شكلي مش انا، انت غيرت ملامحي، التليفون مش بيقرأ ال id وفيه امل اني ارجع تاني بس العملية ب 200 الف دولار، انا مقدرش معييش فلوس.

بعد تشوه وجهها.. ريهام سعيد على الهواء لأول مرة: بقالي كتير مستخبية

سارة نخلة تدعم ريهام سعيد بعد تشوه وجهها: كفايا جلد فيها

وهاجمت ريهام سعيد طبيب التجميل اللبناني قائلة: يعني وصل بيك الإجرام أنك تشوهني وتموت ٢ ستات قبلي وتحط صورة لواحدة مختلفة وتقول إنها أنا ؟، ده أنا كنت زي القمر قبل ما أجيلك.. مين دي اللي أنت حاطتها دي ؟ والدتك ؟، أنا هرفع عليك قضية عشان أنت بتأذي ناس كتير أوي أنت تبعد حاجة عن أنك تكون دكتور، أنت وقعت غلط خالص.. أنا بحذر الناس كلها من التعامل معاه بجد عشان بوظ لي وشي وأنا بداري بالمكياج.

جدير بالذكر، أنه دافعت الإعلامية سارة نخلة عن ريهام سعيد، قائلة: كفاية جلد فيها.