سارة نخلة تدعم ريهام سعيد بعد تشوه وجهها: كفايا جلد فيها

وجهت الإعلامية سارة نخلة رسالة الي الإعلامية ريهام سعيد بعد الانتقادات التي تعرضت لها مؤخرا، بسبب خضوعها لعملية تجميل فاشلة أثرت على وجهها، مشيرة إلى إنها سبب دخولها المجال الإعلامي.

سارة نخلة تدعم ريهام سعيد 

وقالت الإعلامية سارة نخلة خلال برنامجها التلفزيوني المذاع عبر قناة هي في تصريحات رصدها موقع تحيا مصر: بفتخر أقول إن الإعلامية ريهام سعيد زميلتي، أنا حبيت الإعلام وإني أكون مذيعة بسببها، وبفتخر إن احنا  الأتنين بنشتغل مع بعض في نفس القناة.

وتابعت سارة نخلة: أنا بحبك وبحب قد ايه أنتي إنسانه متصالحة مع نفسك، وقد إيه أنتي أنسانه صريحة وبتخافي على جمهورك، أنا وشوفت حب الناس ليكي من لما بقيتي معانا في القناة.

سارة نخلة: ناس كتير بتعمل عمليات تجميل مش ريهام سعيد بس كفايا نعذب فيها 

وعن  الانتقادات التي تعرضت لها الإعلامية ريهام سعيد حيث قالت سارة نخلة: مش الإعلامية ريهام سعيد بس اللى عملت عملية تجميل، ناس كتير عملت عمليات تجميل وأنتو متعرفهمش ليه الجلد وليه نعذبها؟ كفاية اللي هي فيه، ريهام كانت مليانه وخسرت وزن كبير وطبيعي اي بني ادم يخس وشه وجلده يكرمش عارفين كنتوا هتقولوا ايه كنتوا هتقولوا ازاي متهتميش بنفسك ازاي تطلعي كده ع الشاشه وانتي لازم تهتمي بنفسك".

سارة نخلة: انا شايفة ريهام سعيد حلوة طول الوقت 

وأضافت: "مهما حصل مينفعش ابرر لدكتور في مشكله حصلت واحنا شوفناها بعنينا وظاهره لينا وهي شايفه نفسها انها اتشوهت انا دايما بشوف ريهام حلوة انا مش شايفه حاجه في خطأ في وشها اه ولكن هي غير راضيه عن نفسها واحنا شايفين الاختلاف اللي في وش الانسانه دي منقدرش ننكر ولكن ده مش مبرر أن الدكتور عمل كده مفيش حاجه اسمها علشان رايحه تلعب في خلقة ربنا ف ده حصل ".

بعد تشوه وجهها.. ريهام سعيد على الهواء لأول مرة: بقالي كتير مستخبية

ليلى عبد اللطيف تدخل على خط أزمة ريهام سعيد وطبيب التجميل.. تنبأت بتشوه وجهها

وأردفت سارة نخلة: أنا كمان بفكر إني أعمل وأهتم بشكلي لأن شكلي في الأول وفي الأخر قدام كاميرا، ومع ميكب وإضاءة كل يوم أكيد بشرتنا بتتعب.

ريهام سعيد تتعرض لتشوه في الوجه

وكانت قد أعلنت الإعلامية ريهام سعيد تعرضها لتشوه في وجهها بعد خضوعها لعملية تجميل كانت نتيجتها خاطئة الأمر الذي جعلها تدخل في أزمة نفسية شديدة.