قبل شهور من الزواج.. ميرهان حسين تكشف عن سبب فسخ خطوبتها

تحدثت الفنانة ميرهان حسين عن خطبتها من الطبيب تامر سليم وأسباب فسخها، وذلك خلال لقاءها مع برنامج et بالعربي بعد انتشار أنباء ارتباط شيرين عبد الوهاب بخطيبها.  

ميرهان حسين تتحدث عن خطوبتها

وقالت ميرهان حسين في تصريحات يرصدها تحيا مصر: أنا فعليًا كان بقى لي سنة مخطوبة، وفرحي كان المفروض يكون في شهر فبراير اللي جاي، وما أعلنتش ده على السوشيال ميديا، لكن الموضوع كان معلن في حياتي، وأي حد بيتعامل معايا على المستوى الشخصي أو الشغل كان بيكون عارف.

سبب انفصال ميرهان حسين عن خطيبها

وأضافت كاشفة سبب فسخ خطوبتها، إحنا بشر ومحدش معصوم من إنه يتأذي أو يغلط، حتى لو اتغلط فيا عادي ما اللي غلط بشر، ووارد أكون بغلط وأكيد بغلط وكلنا بنغلط، وبنتوجع وبنتعب ونضايق ونعبر ونكتم، كلنا مجموع مشاعر وأفعال كتير.

وأوضحت، صورتي مع شيرين من كذا سنة في عيد ميلادها، وأنا معنديش مشاكل مع أي حد، ولا أي اسم، وأي حد يعرفني على المستوى الشخصي يعرف إني أبعد شخص عن المشاكل والقيل والقال، وإني أقول حاجة عن حياتي الشخصية أو حياة حد، وأنا بير أسرار.

تصريحات ميرهان حسين 

واستكملت، سبب نشري الآية القرآنية هو اني بحب أحط أقوال معينة بتعجبني من القرآن وبتلمسني بشكل أو آخر، ولازم نكون مؤمنين جدًا بالآية: عسى أن تكرهوا شيئًا وهو خير لكم وعسى أن تحبوا شيئًا وهو شر لكم والله يعلم وأنتم لا تعلمون.

ماما قالتلي تستاهلي حد أحسن.. ميرهان حسين تعلق على أنباء ارتباط شيرين عبدالوهاب بخطيبها

بعد أنباء ارتباطها بخطيبها.. ميرهان حسين تكشف كواليس صورتها مع شيرين عبد الوهاب

وكانت قالت: معرفش مين حبيب مين؟ ومعرفش مين بيعمل إيه؟ أنا تمام وده نصيب ومفيش حق عايزة أخده خالص، وأؤمن إن الطيبين للطيبات وكل شيء في الدنيا نصيب ومش شرط حاجة أكون عايزاها في وقت معين تكون هي الصح ليّا و"عسى أن تكرهوا شيئًا وهو خير لكم".

وأردفت، ماما اتبسطت قالتلي الحمد لله.. وقالتلي تستاهلي حد أحسن.. كان بقالي سنة مخطوبة وكان الفرح المفروض يبقى في فبراير ومحصلش نصيب.

واختتمت ميرهان حديثها قائلة: أنا من النوع اللي مش ضعيفة عمومًا وحياتي الشخصية مش بتأثر على شغلي وبحاول أفصل على قد ما أقدر، بس بكره إني أقع أو اترمي أقعد اعيط، بس بحتاج إني أقعد شوية لوحدي، وده مش معناه إني بقعد أعيط خالص، ممكن أبقى مش عايزة أسمع كلام ناس أو مش عايزة أسمع كلام حد في حاجة لكن مش بحب أضعف أو أستسلم ومش بحب الانهزام وبؤمن إن ديه الحياة ولقد خلقنا الإنسان في كبد، بس لازم نقوم.