ماما قالتلي تستاهلي حد أحسن.. ميرهان حسين تعلق على أنباء ارتباط شيرين عبدالوهاب بخطيبها

خرجت الفنانة المصرية ميرهان حسين، لتعلق على أنباء ارتباط خطيبها بالفنانة شيرين عبد الوهاب، وذلك بعد انفصالها عن المطرب حسام حبيب.

ميرهان حسين تعلق على ارتباط شيرين عبد الوهاب بخطيبها السابق 

وقالت ميرهان حسين في لقاء تليفزيوني رصده تحيا مصر: معرفش مين حبيب مين؟ ومعرفش مين بيعمل إيه؟ أنا تمام وده نصيب ومفيش حق عايزة أخده خالص، وأؤمن إن الطيبين للطيبات وكل شيء في الدنيا نصيب ومش شرط حاجة أكون عايزاها في وقت معين تكون هي الصح ليّا و"عسى أن تكرهوا شيئًا وهو خير لكم".

رد فعل والدة ميرهان حسين بعد انفصالها عن خطيبها

وتابعت، ماما اتبسطت قالتلي الحمد لله.. وقالتلي تستاهلي حد أحسن.. كان بقالي سنة مخطوبة وكان الفرح المفروض يبقى في فبراير ومحصلش نصيب.

تأثير نبأ ارتباط شيرين عبد الوهاب بخطيب ميرهان حسين السابق عليها

واختتمت ميرهان حسين حديثها، قائلة: أنا من النوع اللي مش ضعيفة عمومًا وحياتي الشخصية مش بتأثر على شغلي وبحاول أفصل على قد ما أقدر، بس بكره إني أقع أو اترمي أقعد اعيط، بس بحتاج إني أقعد شوية لوحدي، وده مش معناه إني بقعد أعيط خالص، ممكن أبقى مش عايزة أسمع كلام ناس أو مش عايزة أسمع كلام حد في حاجة لكن مش بحب أضعف أو أستسلم ومش بحب الانهزام وبؤمن إن ديه الحياة ولقد خلقنا الإنسان في كبد، بس لازم نقوم.

من جانبه، كان أحدثت ميرهان حسين ضجة عارمة باعتزالها الفن، قائلة: أنا اول مرة اقولها انا فعلا فكرت كتير جدًا اعتزل العمل في الفن لأني كنت شايفة اني مش متقدرة و اتظلمت كتير في هذا الوسط الذي لا يمنح النجومية حسب الموهبة لأ للأسف بيخضع كتير للعلاقات الشخصية و بيفرض ناس لا تستحق و يعطي فرص كبيرة لناس تكاد تكون معدومة الموهبة.

وتابعت، انا عانيت كتير من احساسي اني استحق فرص اكبر و اكثر تنوعًا في الوقت اللي كان بيتم اختيار شخصيات لأداء ادوار عظيمة لا تشبههم شكلًا و لا مضمونًا لمجرد صداقة فلانة بفلان و احتضان مصر لغير الموهوبين من جنسيات اخرى مع احترامي التام لأي جنسية و اي فنان او فنانة عندهم موهبة ولايقين في الادوار اللي بيقدموها و بيعملوا المجهود اللازم لأن التمثيل ده مش مجرد وقوف امام كاميرا لأ ده عمل شاق من التخيل و المذاكرة و التقمص و التحمل و الصبر و كل ده على أمل التقدير. 

خدته منها وهي في شهور العدة.. كواليس ارتباط شيرين عبد الوهاب بخطيب ميرهان حسين السابق

أول تعليق من شيرين عبد الوهاب على ارتباطها بخطيب ميرهان حسين

وأضافت ميرهان حسين، أنا ماكنتش عايزة غير تقدير واعطائي فرص اقدر اعرض فيها ادواتي كممثلة و مغنية و قادرة على تقديم اعمال استعراضية و ده اللي كان اساس اختياري في برنامج ستار اكاديمي في لبنان و ايمانهم الشديد اني املك العديد من المواهب اللي تؤهلني للتقدم في صفوف النجومية خاصة في بلدي مصر.