بعد أنباء ارتباطها بخطيبها.. ميرهان حسين تكشف كواليس صورتها مع شيرين عبد الوهاب

كشفت الفنانة المصرية ميرهان حسين، عن كواليس صورتها مع الفنانة شيرين عبد الوهاب، وذلك بعد انتشار أنباء ارتباط الأخيرة بخطيبها.

صورة ميرهان حسين مع شيرين عبد الوهاب 

وقالت ميرهان حسين خلال لقاءها مع et بالعربي الذي يرصده تحيا مصر: صورتي مع شيرين من كذا سنة في عيد ميلادها، وأنا معنديش مشاكل مع أي حد، ولا أي اسم، وأي حد يعرفني على المستوى الشخصي يعرف إني أبعد شخص عن المشاكل والقيل والقال، وإني أقول حاجة عن حياتي الشخصية أو حياة حد، وأنا بير أسرار.

تعليق ميرهان حسين على أنباء ارتباط شيرين عبد الوهاب بخطيبها 

وتابعت، سبب نشري الآية القرآنية هو اني بحب أحط أقوال معينة بتعجبني من القرآن وبتلمسني بشكل أو آخر، ولازم نكون مؤمنين جدًا بالآية: عسى أن تكرهوا شيئًا وهو خير لكم وعسى أن تحبوا شيئًا وهو شر لكم والله يعلم وأنتم لا تعلمون.

هذا وقالت ميرهان حسين: معرفش مين حبيب مين؟ ومعرفش مين بيعمل إيه؟ أنا تمام وده نصيب ومفيش حق عايزة أخده خالص، وأؤمن إن الطيبين للطيبات وكل شيء في الدنيا نصيب ومش شرط حاجة أكون عايزاها في وقت معين تكون هي الصح ليّا و"عسى أن تكرهوا شيئًا وهو خير لكم".

وتابعت، ماما اتبسطت قالتلي الحمد لله.. وقالتلي تستاهلي حد أحسن.. كان بقالي سنة مخطوبة وكان الفرح المفروض يبقى في فبراير ومحصلش نصيب.

أول تعليق من شيرين عبد الوهاب على ارتباطها بخطيب ميرهان حسين

ماما قالتلي تستاهلي حد أحسن.. ميرهان حسين تعلق على أنباء ارتباط شيرين عبدالوهاب بخطيبها

وأضافت، أنا من النوع اللي مش ضعيفة عمومًا وحياتي الشخصية مش بتأثر على شغلي وبحاول أفصل على قد ما أقدر، بس بكره إني أقع أو اترمي أقعد اعيط، بس بحتاج إني أقعد شوية لوحدي، وده مش معناه إني بقعد أعيط خالص، ممكن أبقى مش عايزة أسمع كلام ناس أو مش عايزة أسمع كلام حد في حاجة لكن مش بحب أضعف أو أستسلم ومش بحب الانهزام وبؤمن إن ديه الحياة ولقد خلقنا الإنسان في كبد، بس لازم نقوم.

اعتزال ميرهان حسين الفن

وكانت تنوي ميرهان حسين اعتزال الفن، حيث قالت: أنا اول مرة اقولها انا فعلا فكرت كتير جدًا اعتزل العمل في الفن لأني كنت شايفة اني مش متقدرة و اتظلمت كتير في هذا الوسط الذي لا يمنح النجومية حسب الموهبة لأ للأسف بيخضع كتير للعلاقات الشخصية و بيفرض ناس لا تستحق و يعطي فرص كبيرة لناس تكاد تكون معدومة الموهبة.

واستطردت، انا عانيت كتير من احساسي اني استحق فرص اكبر و اكثر تنوعًا في الوقت اللي كان بيتم اختيار شخصيات لأداء ادوار عظيمة لا تشبههم شكلًا و لا مضمونًا لمجرد صداقة فلانة بفلان و احتضان مصر لغير الموهوبين من جنسيات اخرى مع احترامي التام لأي جنسية و اي فنان او فنانة عندهم موهبة ولايقين في الادوار اللي بيقدموها و بيعملوا المجهود اللازم لأن التمثيل ده مش مجرد وقوف امام كاميرا لأ ده عمل شاق من التخيل و المذاكرة و التقمص و التحمل و الصبر و كل ده على أمل التقدير.