حسام داغر لوالدته في ذكراها الرابعة: يارب تكوني راضية عني.. وحشتيني اوي

حرص الفنان حسام داغر على إحياء ذكرى وفاة والدته الرابعة والتي تحل اليوم الجمعة الموافق 19 يناير، حيث وجه لها رسالة مؤثرة كعادته، كما حرص على زيارتها في المقابر، معربا عن شدة اشتياقه لها، وذلك في منشور كتبه عبر حسابه الرسمي بموقع تبادل الصور والفيديوهات انستجرام ورصده موقع تحيا مصر منذ قليل.

حسام داغر يحيي ذكرى وفاة والدته الرابعة 

ونشر حسام داغر فيديو استقبال والدته من الحج ومجموع صور آخرى من امام قبرها، وعلق عليها، قائلا: النهارده سنويتك الرابعه يا ماما يا حبيبتي و طول عمرك بتحبي الورد و ملقتش حاجه ممكن توصلك غير الدعاء و الورد الي بتحبيه … فاكرة الفيديو ده لما اخواتي صورونا و احنا داخلين من الباب من الحج في ٢٠١٧…. انتي دلوقتي في الجنة المليانه ورود “إِنَّ الْمُتَّقِينَ فِى جَنَّاتٍ وَنَعِيمٍ”، الآيه بتصور النعيم الي بيوصل ليه المتقون.

واستكمل: و انتي وردك و الفل الي زرعتيه بيطرح كل سنه و ناس بتشمه و بقولهم ماما الي زارعاه و سبحان الله كانة ريحته من الجنة  النهاردة ان شاء الله ربنا يقدرني نعملك ختمة عندي في بيتي مع حبايبك و حبايبي و يا رب ثوابها يوصلك هدية عيد ميلادك يوم ٢٥ يناير و ذكّري وفاتك يوم ١٨ يناير الي يخب يشاركنا يبقاله الاجر و الثواب.

حسام داغر لوالدته: وحشتني أوي

وتابع حديثه قائلا: لو كنتي عايشة وسطينا كان زمانك تميتي ٧٠ سنه النهارده اكيد مكنتيش هتحبي الرقم ده .. بس كنت هنضحكك شويه و نهزر معاكي لحد ما تنسي يا جميله و بشوشه و طيبه ..عيد ميلادك في الجنة يا حبييتي مع بابا حبيبك و يا رب تكوني راضيه عني وحشتيني قوي.

وسبق ووجه حسام داغر رسالة مؤثرة لوالدتها قال فيها: شوفتي على طول كنا بنضحك سوا ازاي، دلوقتي لاحظت اني على طول احب اجيب سيرتك واسمع كلام الناس عنك.. اللي عرفوكي وحبوكي واللي ما قبلكيش افضل احكي له عنك ويحبك من سيرتك، فعلا الإنسان سيرة وانتي سيرتك حلوة، وحشتيني أوي يا حبيبتي عاوز احكيلك حاجات كتير.. الوقت بيعدي ببطء شديد ربنا يرحمك يا ماما.

بعد وفاته.. حسام داغر لـ طارق عبد العزيز: مش مصدق نفسي يارب صبرني على وجع الفراق

حسام داغر عن عايدة علام: أستاذتي التي عملتني الكثير

أزمة حسام داغر الصحية

جدير بالذكر، أنه مر حسام داغر بأزمة صحية مفاجئة نقل على إثرها إلى المستشفى وسرعان ما تم نقله العناية المركزة واستمر بها لأيام، ثم خرج ليطمئن جمهوره حول حالته الصحية مشيرا إلى أن حمزة العيلي هو السبب في إنقاذه، موجها الشكر له ولجمهوره على دعمهم والدعاء له في ظل أزمته المرضية حيث كان يصارع الموت على سرير المستشفى.