ارتجاج في المخ وجرح قطعي.. تطورات حالة فادي خفاجة الصحيةبعد حادث مروع

حالة من القلق أثارها الفنان فادي خفاجة لجمهوره، بعد الإعلان عن تعرضه لحادث سير أثناء خروجه في لايف عبر حسابه الرسمي على تطبيق تيك توك، وهو ما كشفت عنه الفنانة منة جلال في تعليق رصده تحيا مصر.

إصابات بالغة تعرض لها فادي خفاجة

وتسبب حادث السير في إصابة فادي خفاجة بارتجاج في المخ وجرح قطعي بفروة الرأس، مما أدى إلى نقله إلى العناية المركزة  بأحد المستشفيات في مدينة نصر.

خروج فادي خفاجة من المستشفى بعد تعرضه لحادث سير

وطمئنت نقابة المهن التمثيلية الجمهور على حالة الفنان فادي خفاجة، قائلة: منذ الحادثة دخل المستشفي وظل فيه داخل الرعاية لمدة 24 ساعة تحت الملاحظة ومنذ دقائق خرج منه وهو سليم.

تعرض فادي خفاجة لحادث سير مروع

وكانت كتبت منة جلال عبر حسابها الرسمي بموقع التواصل الاجتماعي فيسبوك: يا جماعة اللي يعرف يوصل ل فادي خفاجة الممثل.. كان لايف على تيك توك والعربية انقلبت بيه وتليفونه فصل.

من جانبه، أحدث فادي خفاجة ضجة عارمة بسبب تصريحاته على تيك توك ليخرج ويعتذر عنها قائلًا: أنا مش قادر اقول حاجة غير اني كنت في لحظة ضعف وبرجوا الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس.

وأضاف، أنا لا حصلت فنان ولا انسان طبيعي وانا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة

وتابع، وكل الأساتذة الكبيرة اللي اشتغلت معاهم كانوا بيشكروا فيا ودة اداني امل وكنت بشوفه رسالة اني اقدم في المعهد العالي للفنون المسرحية واجتهدت واتخرجت بتقدير كل دة راح فين ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح.

وأوضح، وبعد كل دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش.

واستكمل، سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دة كويس بس أنا مش عارف اتواصل معاه لأن وسط كل اللي بيتقدم أنا مش هظهر.

وأشار إلى، اعز الزملاء ومواهب أكبر مني كلنا بنكلم بعض وبنسال ليه مش بنشتغل لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس اخدت الفيديوهات وقطعتها وانا مكنتش متخيل أن ناس تعمل كدة.

فادي خفاجة يفتح النار على مجهول: بتاجري بأبنك.. فين جوزك الدكتور

منة جلال تكشف عن تعرض فادي خفاجة لحادث سير: كان لايف والعربية انقلبت بيه

وتابع فادي خفاجة حديثه قائلًا: أنا كنت فاتح لايف وبهزر مع الناس لكن كم التعليقات اللي كانت بتقولي أنت مكانك مش هنا فهما داسوا على الجرح.