فادي خفاجة يفتح النار على مجهول: بتاجري بأبنك.. فين جوزك الدكتور

فتح الفنان فادي خفاجة النار على مجهول خلال بث مباشر على موقع تيك توك، وذلك بعد الانتقادات التي طالته والفنانة مها أحمد.

تحيا مصر 

فادي خفاجة يوجه رسالة لمجهول

وقال فادي خفاجة: إنتي فين ياللي جوزك دكتور؟ إنتي عملتي إيه في حياتك؟ إنتي معملتيش حاجة خالص ولا اشتغلتي، وعمالة تقولي أنا ابني مع كل الاحترام والتقدير على راسي، بس إنتي بتاجري بيه.

تصريحات فادي خفاجة 

وأضاف فادي خفاجة، اللي يفتح عليا لايف قوله ابن سيد خفاجة هيفتح عليك بلد.

وقالت مها أحمد: يعني فيه واحد ما من ضمن الناس المدمنة طلب مني نتخانق مع بعض عشان يطلع تريند رغم إنه عمل حاجة وطلع بيها تريند وكسب تعاطف الناس، قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد، أنا تريند لوحدي، كل حد بيستخدمني عشان يطلع تريند هو حر.

أزمة فيديو فادي خفاجة على تيك توك 

من جانبه، قال فادي خفاجة عن أزمة الفيديو الخاص به على تيك توك: أنا مش قادر اقول حاجة غير اني كنت في لحظة ضعف وبرجوا الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس.

وتابع، أنا لا حصلت فنان ولا إنسان طبيعي وانا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة. 

اقرأ أيضًا.. 

عفاف مصطفى تكشف عن تفاصيل شخصيتها في مسلسل حدوته منسية

خاص| أول تعليق من محمد سلام على هجوم بيومي فؤاد عليه

وأضاف، وكل الأساتذة الكبيرة اللي اشتغلت معاهم كانوا بيشكروا فيا ودة اداني امل وكنت بشوفه رسالة اني اقدم في المعهد العالي للفنون المسرحية واجتهدت واتخرجت بتقدير كل دة راح فين ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح.

واستكمل، وبعد دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش.

واختتم فادي خفاجة حديثه، سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دة كويس بس أنا مش عارف اتواصل معاه لأن وسط كل اللي بيتقدم أنا مش هظهر.