منة جلال تكشف عن تعرض فادي خفاجة لحادث سير: كان لايف والعربية انقلبت بيه

كشفت الفنانة منة جلال، عن تعرض الفنان فادي خفاجة لحادث سير أثناء ظهوره في بث مباشر، وذلك من خلال حسابها الرسمي بموقع التواصل الاجتماعي فيسبوك.

تعرض فادي خفاجة لحادث سير 

وقالت منة جلال في تعليق يرصده تحيا مصر: يا جماعة اللي يعرف يوصل ل فادي خفاجة الممثل.. كان لايف على تيك توك والعربية انقلبت بيه وتليفونه فصل.

فادي خفاجة يكشف عن ندمه

وعن البث المباشر الذي انهاره فيه، قال الفنان فادي خفاجة: أنا مش قادر اقول حاجة غير اني كنت في لحظة ضعف وبرجوا الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس.

وتابع فادي خفاجة: أنا لا حصلت فنان ولا انسان طبيعي وانا لو سبت الناس في حالي وقعدت لوحدي أنا معنديش إجابات وانا بتسأل السؤال دة في اليوم مليون مرة

وأضاف خفاجة "وكل الأساتذة الكبيرة اللي اشتغلت معاهم كانوا بيشكروا فيا ودة اداني امل وكنت بشوفه رسالة اني اقدم في المعهد العالي للفنون المسرحية واجتهدت واتخرجت بتقدير كل دة راح فين ولما تواجدت في مسلسل زي الاختيار كنت ضيف شرف ودة كان شرف ليا وانتظرت أن أبواب ربنا تتفتح.

أزمة فادي خفاجة بسبب تطبيق تيك توك 

واستطرد فادي خفاجة: وبعد كل دة مفيش وانا مش عارف أنا مبشتغلش ليه واتحدى أن مخرج يقول اني أنا مبجيش في معادي، أو منتج يقول اني ناقشته في الأجر محصلش.

وأردف فادي: سعيت وروحت قابلت مخرجين بدون استدعاء وزمان كنا بنعرف نقابل المخرج دلوقتي لازم تبعت على الميل وتاخد معاد وحتى لو النظام دة كويس بس أنا مش عارف اتواصل معاه لأن وسط كل اللي بيتقدم أنا مش هظهر.

واستكمل خفاجة: اعز الزملاء ومواهب أكبر مني كلنا بنكلم بعض وبنسال ليه مش بنشتغل لكن أنا بعتذر ومكنش ينفع اللي أنا عملته لكن أنا حصل معايا حاجتين أنا جاتلي رسايل من أمام الكعبة ناس معرفهاش بتدعيلي وناس اخدت الفيديوهات وقطعتها وانا مكنتش متخيل أن ناس تعمل كدة.

واختتم فادي خفاجة حديثه قائلًا: أنا كنت فاتح لايف وبهزر مع الناس لكن كم التعليقات اللي كانت بتقولي أنت مكانك مش هنا فهما داسوا على الجرح.