حاجات مش كويسة.. مفاجأة عن سبب انفصال شريف منير ولورا عماد

كشف الفنان شريف منير مفاجآت من العيار الثقيل عن حياته الشخصية وفتح صندوق أسراره للمرة الأولى، حيث أنه تحدث عن أزمة انفصاله من زوجته لورا عماد، وذلك خلال تصريحات مثيرة للجدل مع الإعلامية إنجي علي يرصدها تحيا مصر خلال السطور التالية.

شريف منير يكشف سبي انفصاله عن لورا عماد 

وقال شريف منير: دي حاجات تحصل لكل الناس لكن إحنا تحت الأضواء، وبعد يومين الناس هتنسى وتسيبنا في حالنا.

وتابع، طبعا أم أولادي ست أحترمها، وكان في حياة حلوة جدا بيني وبينها في وقت من الأوقات مقدرش أنساها، وحاجات مش كويسة أدت إلى الانفصال.

شريف منير يتحدث عن بناته

واستطرد، أهم حاجة عندي بناتي يعيشوا كويس، وإني أحافظ عليهم وعلى شعورهم.

وأردف: أقول للناس بلاش تبقوا قاسيين وجارحين، لأن في ناس حوالينا بتتجرح بدون ذنب.

واختتم شريف منير حديثه قائلًا: ربنا يخلي أصحابي وأختي وكل من وقف جنبي، لإني مررت بأزمة جامدة.

أزمة انفصال شريف منير ولورا عماد 

وكان شريف منير كتب عبر حسابه الرسمي بموقع تبادل الصور والفيديوهات القصيرة إنستجرام: «تم الطلاق بيني وبين السيدة لورا عماد.. كل شيء قسمة ونصيب وأتمنى لها كل خير».

وبعدها قالت لورا عماد عبر حسابها الشخصي بموقع تبادل الصور والفيديوهات انستجرام: رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!.

وتابعت، بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي.

وعلّقت فريدة على ما نشرته والدتها قائلة: «ليه بتعملي كده؟ ليه بتخلي شكلنا كده قدام الناس؟».

وردت والدتها عليها قائلة: «أنتوا بتموتوني كل يوم.. وانتي عارفة كده كويس.. ربنا يهديكي.. صحيح الزّن على الودان أمر من السحر».

هذا و علقت كاميليا على منشور والدتها بموقع انستجرام قائلة: «عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده».

وردت عليها والدتها قائلة: «أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم».

لعبة قذرة.. شريف منير يكشف عن تعرض فيلم ليه تعيشها لوحدك للظلم

البلوك بيسعدني وعادل إمام قالي أنت ممثل يتعملك حساب.. أبرز تصريحات شريف منير مع إنجي علي

جدير بالذكر أن لورا عماد دخلت مجال التمثيل عن طريق الإعلانات، وشاركت في فيلم البطل مع النجم أحمد زكي ومسلسل الرجل الآخر، ثم ابتعدت عن التمثيل بعد زواجها من شريف منير عقب وفاة زوجته ناهد بعد معاناة مع المرض، لتعود مرة أخرى عام 2021 من خلال مسلسل نصيبي وقسمتك.