من العيش على الأسطح وأكل بواقي الطعام.. نجوم الفن يكشفون معانتهم قبل الشهر

جميعنا نشاهد حياة النجوم ونعتقد أنهم ولدوا في يديهم معلقة من ذهب، ولكن ما لا يعرفه الكثير أن حياة المشاهير مليئة بالمصاعب والمواقف الصعبة التي تحدثوا عنها في تصريحات تليفزيونية لهم، وفي ذلك الإطار يرصد موقع تحيا مصر أبرز هذه المواقف.

وليد توفيق: سبت المدرسة عشان اشتغل وكنت عايش على السطوح 

وكان وليد توفيق من بين النجوم الذين تحدثوا عن معاناتهم قبل الشهرة، حيث قال في لقاءه مع منى الشاذلي: زمان كان مكنش فيه شركات أو جهات ترعى الفنان فكان الفنان بيصنع نفسه بنفسه، فكنت بغني في الليلة بـ 500 ليرة وكنت عايش في غرفة على السطوح ومرة رجل سوري اتعدى عليا عشان كان فاكرني بغني لمراته، وسِبت المدرسة علشان أشتغل وأساعد أبويا الظروف كانت صعبة وكنا 10 في البيت وابويا كان حالته الصحية صعبة فاشتغلت بالكهرباء والنجارة وشِلت خشب على أكتافي وكنت أعول عائلتي كلها وقت الحرب وعمري ما اشتكيت ولا زعلت من أبويا.

حمو بيكا: كنا قاعدين في أوضة وصالة وحمام جوة المطبخ 

وتحدث أيضا حمو بيكا عن معاناته قبل الشهرة، قائلا: أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده واعذروني كنت قاعد في أوضة وصالة والحمام في المطبخ، وأبويا على باب الله بيسافر ويتغرب ويشقى علشان اللقمة اللي بناكلها بالحلال.

وتابع حديثه، قائلا: ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، ولما ربنا بيكرم بني آدم ويرزقه مش من فراغ، وما اتدولتش في بقي معلقة دهب وكنت بحب الخير لكل الناس ولحد الوقت ده.

سليمان عيد: كنت بطلع أسمنت وباخد 10 جنيه في اليوم

وقال الفنان سليمان عيد، أنه نشأ في منطقة شعبية وناس متواضعة فكان والده يعمل تاجراً للجمال، وأنه عمل منذ صغره ما جعله يشعر بالمسؤولية مبكرا، وعندما توفي والده حينما كان في مرحلة الثانوية العامة استكمل تعليمه وعمله في أحد الفنادق.

وأشار إلى أن وفاة والده أحدثت نقلة كبيرة في حياته، خاصة أن أخواته كانوا متزوجين إلا هو نظرا لرغبته في التركيز في الفن أكثر، وأكد: بعد ما ابويا توفى كنت بشتغل أشيل اسمنت واخد 10 جنيه في اليوم.

جديد مسلسلات رمضان 2024.. عودة عبدلله مشرف وهنا الزاهد وإلهام شاهين بـ مسلسل من 15 حلقة

في ذكرى ميلاده.. سبب مفاجئ حول انفصال أشرف زكي عن روجينا في بداية زواجهما

سامح حسين: كنت باكل بواقي العيش 

أما عن سامح حسين فقال في تصريحات تليفزيونية: عشنا فترة صعبة جدا لكن كان عندنا عزة نفس، وكانت والدتي تروح لأقاربنا وتقول إننا بنربي فراخ في المنور، ويدوها بقايا أكل للفراخ، لكن الحقيقة إحنا كنا الفراخ وأكلنا بقايا الأكل، ولذلك أنا بدأت أشتغل من صغري، في فقرات الظهر السفلية من أيام دراستي في الجامعة، لإني كنت محتاج فلوس جنب الدراسة، واشتغلت فواعلي أشيل طوب ورمل وأطلع عمارات.