في ذكرى ميلاده.. سبب مفاجئ حول انفصال أشرف زكي عن روجينا في بداية زواجهما

يحتفل اليوم الجمعة الموافق 29 ديسمبر، الفنان أشرف زكي نقيب المهن التمثيلية بعيد ميلاده ال 63، حيث أنه من مواليد عام 1960، ويرصد تحيا مصر تزامنًا مع هذه المناسبة، سبب انفصاله عن زوجته الفنانة روجينا في بداية زواجهما.

كواليس انفصال أشرف زكي وروجينا

كشف أشرف زكي كواليس انفصاله عن روجينا خلال لقائه ببرنامج في اَي بي الذي تقدمه الاعلامية أميرة بدر بقناة هي قائلًا: شوفت روجينا ولقيتها بنت مؤدبة ومحترمة وموهوبة وقمر فقلت لها أنا هطلع أعمل عمرة وهعمل استخارة واللى ربنا يكتبه هيكون فرجعت دورت عليها وروحت لهم البيت وقرينا الفاتحة وهي كانت لسه في سنة أولى معهد، واتجوزنا وهي في الفرقة الثانية. 

سبب انفصال أشرف زكي وروجينا

وتابع، لما انفصلت عن روجينا مكنتش مصدق وكنت متضايق ومتألم جدا خاصة انا كان معانا بنتنا مايا، كنت حاسس أن روجينا محتاجة هدنة خاصة أنها شافت شهرة ونجومية وهي صغيرة وده عملها تصور ما لمستقبلها، في الوقت اللى كان عندي في الفترة دي مشاكل في شغلي والنقابة، فكان مهم اوي نعمل هدنة وهي اللي طلبت الهدنة ومقعدناش شهور ورجعنا لبعض تاني. 

وأضاف، أنا كنت متأثر جدًا بعد انفصالي عن روجينا وكان الإحساس صعب ومكنتش متزن وحاسس بوحدة شديدة وانهزامية بعد لما بنيت حاجة عظيمة مبقتش موجودة وحسيت ان روحي مش معايا وانا مش انا.

واستكمل أشرف زكي حديثه قائلًا: احترمت قرار روجينا بالإنفصال، وبلا شك لما حد يبقى صغير في السن بتحصله خضة ويشوف نفسه وده كان سبب انفصالنا وانا كمان كان فيا عيوب مش مقدر انشغالها والا اللى هي فيه ومبقلعش مشاكل النقابة وأنا داخل البيت، وراضيتها من خلال أمها ونلت الرضا الثاني وخليتها تحبني جدا وبودها وهي الوحيدة اللي أثرت علي دماغ بنتها واقنعتها ترجع ليا.

تصريحات أشرف زكي 

من جانبه، قال أشرف زكي خلال تصريحات تليفزيونية مدافعًا عن الفن: العنف موجود من قبل ما الفن يظهر.. الفن هو السبب يعني؟ لا طبعًا، والفن برئ من كل الاتهامات ودي مجرد شماعة وكان فيه أفلام لمحمود المليجي وفريد شوقي بها أدوار شر وعنف ومع ذلك لم يتعرضوا للانتقادات.. وأنا غير متفق مع الهجوم على محمد رمضان أو الفن بشكل عام دون ذكر أسماء.

اقرأ أيضًا.. 

حصاد 2023.. أفلام سُحبت من دور العرض لفشلها 

سبب صادم وراء انهيار سما المصري من البكاء بعد خروجها من السجن.. تعرف عليه 

وعن عدم تكريم ريهام عبد الغفور، أوضح: ريهام فنانة كبيرة ومن أهم الفنانات وعملت موسم كبير جدًا وعلى أعلى مستوى وتستحق بدل الجايزة عشرة من وجهة نظري.. بس في الآخر في لجنة تحكيم ودا استفتاء الجمهور هل أنا في ايدي حاجة!

وأضاف، بقالنا فترة كبيرة مبنكرمش ففي مخزون كبير بس ان شاء الله بعدين هيبقى فيه تكريمات كتير.