الطيور لا تقع دائمًا على أشكالها.. أول تعليق من طليقة محمد فرج على ارتباطه

خرجت نوران نصر طليقة البلوجر والانفلونسر محمد فرج عن صمتها للرد على احتفاله بخطوبته هو والمذيعة لينا طهطاوي، وذلك بعد فترة قصير من انفصالهما.

تحيا مصر يرصد رد طليقة محمد فرج على خطوبته.

رد طليقة محمد فرج على خطوبته

وكتبت نوران نصر عبر خاصية استوري على حسابه الرسمي بموقع تبادل الصور والفيديوهات القصيرة إنستجرام:الطيور لا تقع دائمًا على أشكالها.. الحياة أحيانًا بتبعتلنا ناس مش شبهنا، ولو سقطنا ألف سقطة ما وصلنا لدنو أنفسهم.

خطوبة محمد فرج 

وكان فاجئ محمد فرج لينا طهطاوي بطلب يدها على يخت في لبنان بخاتم ألماس، وذلك في حضور البلوجر عمرو راضي وزوجته، ومن ثم احتفلا بخطوبتهم في منزل لينا وشاركتهم فرحتهم، النجمة الشابة هنا الزاهد.

وكان أعلن محمد فرج انفصاله عن نوران عبر حساباته بمواقع التواصل الاجتماعي قائلًا: قل لن يصيبنا الا ماكتب الله لنا.. النهاردة انتهى زواج دام سنة و نص و علاقة دامت ٣ سنين مرت بحلوها و مُرها و تم الانفصال بشكل نهائي.

محمد فرج يعلن انفصاله عن زوجته

وتابع: الاسباب و التفاصيل دة شئ يخصني انا و هي بس رجاء من كل الناس ماحدش له علاقة و احترموا الخصوصية، وكل شئ قسمة و نصيب و ربنا مش بيجيب حاجة وحشة دايما عندي يقين و ايمان بالله فالنقطة دي ف بكون مرتاح نفسيا و ضميري مرتاح.

وأضاف: رجاء من كل الناس و صحابي و معارفي مش عايز حد يكلمني فالموضوع ولا يحكم عليا او عليها و مش هسمح لحد انه يجيب سيرتها بكلمة عندي ولا يظلمها و لا يظلمني، لإني اكتر واحد عارف دماغ الناس و هايتكتب ايه و يتقال ايه.

واستطرد: و اني عايز ريتش و خرة و كلام رخيص مش بتاعي خالص و مالوش علاقة بحياتي الطبيعية اللي في ارض الواقع و اسرتي و بيتي و اللي عارفني كويس يعرف كدة و انا بقالي اكتر من ٧ سنين موجود مش محتاج اعمل حاجة الحمدلله القبول موجود من عند ربنا .

اقرأ أيضًا..

بعد الفريدو.. عابد عناني عن انتقادات انحصاره في أدوار الشر: الكاركتر فيه جزء مقدمتهوش قبل كده

خاص| عابد عناني يظهر كضيف شرف بمسلسل الحشاشين في رمضان 2024

واختتم محمد فرج حديثه قائلًا: كتبت الكلام دة لإني من الأول كنت بشارككوا كل لحظة حلوة عيشناها مع بعض  وواجب عليا اعرفكوا أن الموضوع انتهى و مش محتاج اقول هو صعب عليا ازاي بس ربنا زي ماقولت مش بيجيب حاجة وحشة، و هو دة المكتوب لنا و ربنا يوفقها في حياتها و يرزقها.