مش مصدق وفاته ومنهار.. رسالة مؤثرة من أحمد حلمي لشقيقه الراحل

دخل الفنان المصري أحمد حلمي في حالة انهيار وحزن شديدة بعد وفاة شقيقه الأكبر خالد حلمي واستقبال عزاءه في مسجد الشرطة.

تحيا مصر

رسالة أحمد حلمي لشقيقه 

ونشر أحمد حلمي صورة تجمعه بشقيقه قبل رحيله ورسالة مؤثرة له عبر حسابه الرسمي بموقع تبادل الصور والفيديوهات القصيرة إنستجرام قائلًا: أخويا الكبير خالد حلمي.. شبه بعض جدا فى النظارة... أحلى حاجة إن يكون عندك أخ أكبر منك.. بيكون مش بس أخ بيكون صاحب كمان.. يا سلاااام.. ياما خلانى أنزل أجيب عيش بداله.. هه.. يلا .. الكبير كبير برضه.. حبيبي يا خالودة.

سبب وفاة شقيق أحمد حلمي 

ولكن شاء القدر أن يفرق بين أحمد حلمي وشقيقه بعد تعرضه لأزمة صحية في القلب، وهو ما أثر على حلمي بشكل كبير حيث ظهر في الجنازة وهو لا يستطيع تمالك نفسه من البكاء.

مهنة شقيق أحمد حلمي 

وجدير بالذكر أن شقيق أحمد حلمي لم يكن له أي علاقة بمجال التمثيل مثل أخيه الأصغر ولكنه كان يعمل مدير عام بالجهاز المركزي للمحاسبة.

اقرأ أيضًا.. 

حنان شومان في ذكرى ميلاد عبلة كامل: موهبة ملهاش شبه وتجربة خاصة جدًا 

وقال الإعلامي عمرو أديب عن حالة أحمد حلمي بعد وفاة شقيقه: أحمد يمر بظروف صعبة جدًا بعد هذا الفقد الأليم.. ربنا معاه ويصبره، وكلنا في البلد دي نعتبر أحمد أخونا وصديقنا وفنانا جميلا ومحترما، ولما يكون عنده حزن كبير زي اللي هو فيه لازم نقف معاه.

على الصعيد الآخر، قال الفنان أحمد حلمي: من أكثر اللحظات المؤثرة جدا في حياتي ولم أنساها لما أبويا ضربني بالقلم وكان عمره ما مد ايده عليا.

وتابع أحمد حلمي خلال لقائه مع الإعلامي أنس بوخش عبر قناته علي يوتيوب: خالي غاوي يربي حمام بأنواع غالية وبعدين روحت أنا وفتحت شباك الأوضة فالحمام طار، ومكنتش وقتها أعرف أن الحمام غالي ولا لأ، وبعدين خالي اشتكاني لأبويا كان خالي مخه صغير، فجاء أبويا شاف المنظر وسأل مين اللي عمل كده فكذبت وقلت أخويا خالد فهو مصدقنيش وضربني أنا لإنه عارف إني بكذب، وكانت المفارقة الرهيبة أن الحمام طلع بيرجع تاني يوم الصبح، وافتكر ان وقتها زعلت واتضايقت وعيط.

وأضاف، أحيانا أتمنى أرجع صغير علشان أعيش حاجات ملحقتش أعيشها أو نفسي أكررها، أبويا مات وأنا ملحقتش أشبع منه ولا أعيش معاه المرحلة اللي هي بتاعت الصحوبية، هو مات وأنا في أوائل الجامعة وبعدين علشان هما قاعدين في بنها وأنا قاعد في القاهرة مكنتش بشوف أهلي كتير

وأردف، ملحقتش أحكي لأبويا ويحكيلي ونخرج ونرغي ونتكلم، وهو كان مريض ومر بفترة صحية صعبة، وفترة مرضه كانت صعبة جدا على لإني وقتها حسيت بالعجز ومش عارف أعمل حاجة، حد بتحبه راقد وانت مش عارف تعمل حاجة، ولما توفى مشافش ولادي مفيش إلا بنتي الكبيرة كان عندها 3 سنين شافها.