الفراق صعب عليه .. لقطات مؤثرة من جنازة شقيق أحمد حلمي ببنها

فجع الموت الفنان أحمد حلمي اليوم الجمعة الموافق 8 ديسمبر، بوفاة شقيقه الأكبر الراحل خالد حلمى مدير عام بالجهاز المركزى للمحاسبات.

تحيا مصر

أحمد حلمي رفقة زوجته في جنازة شقيقه

وظهر أحمد حلمي رفقة زوجته منى زكي  منهارًا خلال مراسم تشييع الجثمان بمقابر العائلة بمنطقة الشموت ببنها.

لقاء أحمد حلمي في برنامج Abtalks 

على الصعيد الآخر، قال الفنان أحمد حلمي خلال لقائه ببرنامج Abtalks: من أكثر اللحظات المؤثرة جدا في حياتي ولم أنساها لما أبويا ضربني بالقلم وكان عمره ما مد ايده عليا.

وأضاف، خالي غاوي يربي حمام بأنواع غالية وبعدين روحت أنا وفتحت شباك الأوضة فالحمام طار، ومكنتش وقتها أعرف أن الحمام غالي ولا لأ، وبعدين خالي اشتكاني لأبويا كان خالي مخه صغير، فجاء أبويا شاف المنظر وسأل مين اللي عمل كده فكذبت وقلت أخويا خالد فهو مصدقنيش وضربني أنا لإنه عارف إني بكذب، وكانت المفارقة الرهيبة أن الحمام طلع بيرجع تاني يوم الصبح، وافتكر ان وقتها زعلت واتضايقت وعيط.

تصريحات أحمد حلمي 

واستطرد، أحيانا أتمنى أرجع صغير علشان أعيش حاجات ملحقتش أعيشها أو نفسي أكررها، أبويا مات وأنا ملحقتش أشبع منه ولا أعيش معاه المرحلة اللي هي بتاعت الصحوبية، هو مات وأنا في أوائل الجامعة وبعدين علشان هما قاعدين في بنها وأنا قاعد في القاهرة مكنتش بشوف أهلي كتير.

اقرأ أيضًا.. 

عمرو محمود ياسين: الفن لو للتسلية فقط محبش اشتغله 

عمرو محمود ياسين: بشفق على الممثليين لأنهم أوقات بيلجوا لمهنة تانية جمب التمثيل

وأردف، ملحقتش أحكي لأبويا ويحكيلي ونخرج ونرغي ونتكلم، وهو كان مريض ومر بفترة صحية صعبة، وفترة مرضه كانت صعبة جدا على لإني وقتها حسيت بالعجز ومش عارف أعمل حاجة، حد بتحبه راقد وانت مش عارف تعمل حاجة، ولما توفى مشافش ولادي مفيش إلا بنتي الكبيرة كان عندها 3 سنين شافها.

وأوضح أحمد حلمي: لحظة وفاة أبويا كانت صعبة وهو كان راجل صامت ومشاهد أكتر منه متكلم وحسيت بعد كده أنه له فضل كبير في تكويني وصفاتي وزعلان اني ملحقتش أخطف من وقت ابويا كتير وأتمنى الزمن يرجع بيا علشان ابقى معاه لإنه وحشني جدا، وبعد وفاته حاولت كتير أجيب أمي تعيش جنبي مبترضاش مش عايزة وحابة تبقى في بيتها وكانت امنيتي تبقى ساكنة في الشقة اللي جانبي بس احترمت رغبتها في البقاء في بيت والدي وأنا عمري ما هاكون أناني.