منهم محمد هنيدي وفيفي وعبده.. أبرز حضور عزاء والد ريهام عبد الغفور

حرص عدد كبير من نجوم الوسط الفني على حضور عزاء الفنان أشرف عبد الغفور والد النجمة ريهام عبد الغفور في مسجد الشرطة بمنطقة الشيخ زايد.

تحيا مصر

حضور عزاء أشرف عبد الغفور والد ريهام عبد الغفور 

وكان من أبرز حضور عزاء أشرف عبد الغفور والد ريهام عبد الغفور، فيفي عبده، محمد هنيدي، شيكو، كريم محمود عبد العزيز، بشرى، دنيا عبد العزيز، ماجدة زكي، محمد سامي، مي عمر، نبيل الحلفاوي، يحيى الفخراني، وغيرهم من نجوم الفن المصري.

تصريحات فيفي عبده 

من جانبه، قالت فيفي عبده في لقاءها مع إي تي بالعربي عن أزمتها الصحية: لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه.

فيفي عبده توجه رسالة لجمهورها

وتابعت، الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة.

وأضافت، دوروا على عروق في إيدي مالقوش ولما عملوا ليا فحص لقوا القلب فيه رفة، وطبلوا على الهواء دكتور قلب وخدت بنج وعملوا ليا منظار علشان يطمنوا على القلب ولما اطمنوا كانوا مجهزين اوضة العمليات بتاعة العمود الفقري، ولما سافرت علشان اتكرم فوجئت وأنا بحط رجلي على السلم لقيت رجلي تقيلة ودي كانت بالنسبة ليا مفاجأة قدام الناس وما كنتش قادرة أطلع علشان اتكرم.

واستطردت، وأنا داخلة أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة.

واستكملت حديثها قائلة: أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام.