محمد ممدوح عن مشاركته في إبراهيم الأبيض: علامة مهمة في حياتي

أشار الفنان محمد ممدوح إلى أنه انبهر بالعمل مع الراحل الفنان محمود عبد العزيز في فيلم "إبراهيم الأبيض"، خاصة أنه قامة فنية كبيرة، مضيفا: "وأعتبر مشاركتى في الفيلم علامة مهمة في حياتى".

تحيا مصر 

محمد ممدوح يعرب عن سعادته بالعمل مع مروان حامد

وأضاف خلال حلقته في برنامج صاحبة السعادة، انبسطت بالعمل مع المخرج مروان حامد الذى تعلمت منه الانضباط والتركيز، كذلك السقا وباسم سمرة"، معقبًا: "انبسطت بالعمل مع الفنان ماجد الكدوانى في فيلم الأصليين الذى شاركت فيه كضيف شرف، والذى أعتبره رمزا للتنوع وقيمة فنية كبيرة".

تصريحات محمد ممدوح 

هذا وقال محمد ممدوح: استمريت على صيام المياة حاجة اسمها صيام المياة وانا مكنتش اعرفها قبل كدة واللي شجعني عليها مدير اعمالي وهي أنك تصوم لكن تشرب مياة بس.

وتابع محمد ممدوح، أنا قعدت 17 يوم بشرب مياة بس ومكلش خالص واحنا كنا في تجمع في فندق ومعانا دكاترة بيراقبونا ويشوفوا السكر والضغط وكانت تجربة حلوة جدا واي جوع أو صداع اشرب مية ودة كان من سنين وبسببه فقد وزن كتير ولغاية دلوقتي بشرب مياة كتير.

وأردف، الموضوع مبهر وكنت حاسس اني هادي وصافي ودي حاجة علمية وحاجات كتيرة بتشفى بالمياة ودة لأي سن.

محمد ممدوح في صاحبة السعادة 

واستطرد، بقى ليا نظام حياة باكل كل ساعتين وبشرب مية كتير وخسيت 45 كيلو، احنا لما بدأنا ناكل مكنش ينفع ناكل مرة واحدة يعني نشرب عصير الأول وبعد كدة ناكل حاجة خفيفة اوي وكان في صديق أول لما خلص سافر المانيا وقبل ما يسافر اكل فول وطعمية من القاهرة ولما وصل المانيا تعب ودخل المستشفى فخطر أنك بعد الصيام تاكل حاجة تقيلة.

وتحدث عن زوجته فقال محمد ممدوح: ميرڤت ربنا يخليها مستحملاني، وحاجات كتير في حياتي مكانتش هتكمل إلا بفضل ربنا طبعا ووجودها جنبي.

اقرأ أيضًا.. 

كتفهم في كتف بعض.. كريم محمود عبدالعزيز وشقيقه يتلقيان العزاء في خالهم

كاريزما مصحوبة بخفة الظل.. كريم محمود عبد العزيز رحلة نجاح صاعدة تلاحق نجاحات والده

وعن حقيقة تعمده اختيار زوجة من خارج الوسط الفني، نفى قائلًا: المفاجأة إنها مش من خارج الوسط، كانت بتحاول تبقى داخل الوسط الفني لكن كان عندها شغل ثاني.

وتابع، في برنامج كبير على قناة كانت هي البروديوسر له، وكانت بتاخد ورش تمثيل، ولما وصلت كاميليا سابت كل حاجة.

وأكد محمد ممدوح على أنه سعيد بفيلمه الأخير وش في وش الذى عرض في السينمات، وأشار إلى أن نجاح العمل يرجع إلى مجهود كل العاملين به، فضلًا عن الورق مكتوب بحرفية شديدة من المؤلف وليد الحلفاوى الذى يعتبر بطل العمل.

وتابع ممدوح، الفيلم يحمل مشكلة اجتماعية جديدة، والكوميديا الموجودة به دمها خفيف، وأوجه الشكر لشركة الإنتاج التي دعمت الفيلم بكل الإمكانيات، كما أن الفيلم معظم أبطاله كانوا مفاجأة للجمهور.