أحمد فهمي: روحت اتعالج عن دكتور نفسي ومضيت على عقد طلاق أمي وأبويا

تحدث الفنان أحمد فهمي عن مرضه وذهابه لطبيب نفسي، فضلًا عن كونه شاهد على عقد انفصال والديه، وغيرها من الأمور المثيرة للجدل.

تحيا مصر

أحمد فهمي يعاني من اضطرابات القلق

وقال أحمد فهمي في برنامج Abtalks: عندي اضطرابات قلق ساعات بتوصل لنوبات ذعر بس مبقتش موجودة مؤخرًا.. وروحت لدكتور نفساني أتعالج لأن طول الوقت حاسس إني في امتحان وبطني فيها مغص يوميًا من غير سبب.

أحمد فهمي يشهد على عقد انفصال والديه

واستكمل فهمي، الدي صاحبي جدًا وأمي ست عافرت كتير.. وعقد طلاق أبويا وأمي ماضي عليه وأنا عندي 19 سنة.. وكلمة متخربش البيت بشوفها دي كلمة جاهله جدًا لأني بشوف صلاح البيت في الانفصال.

وتابع، في فرق ما بين تبقى مبسوط وما بين تبقى راضي، وممكن البني آدم يقعد سنتين يفكر فكرة غلط لغاية ما يكتشف إحنا بنضيع وقت لحد ما نموت.

اسم قصة حياة أحمد فهمي 

وأوضح أحمد فهمي، لو حياتي فيلم هسميها سمك لبن تمر هندي، وأنا نفسيا متقلب جدًا على حسب المكان عشان كده ممكن الناس تشوفني غريب..  أنا بني آدم مش عايز حاجة أنا مش شخصية متطلعة، البني آدم اللي عايز دايما بيكون ضعيف مش قوي، فـ أنا حابب دائما إني مكنش عايز حاجة أو بمعنى أصح مش عايز حاجة من حد أنا متطلباتي بسيطة جدًا.

اقرأ أيضًا.. 

كاريزما مصحوبة بخفة الظل.. كريم محمود عبد العزيز رحلة نجاح صاعدة تلاحق نجاحات والده 

خاص| كريم محمود عبد العزيز: تجربتي مع كريم عبد العزيز حلوة وأتمنى توصل للناس زي ما احنا حبنها 

وعن عدم إنجابه حتى الآن قال: أنا متأخر في الخلفة لأن التعامل مع الطفل أخطر حاجة ممكنة.. ولو هوصف طفولتي هقول لا تراجع ولا استسلام، وطفولتي هي أهم حاجة وبحب أجرب واستكشف ومعتبرش حاجة تضييع وقت، ولازم البني آدم يعرف يتعامل مع الطفل اللي جواه.

جدير بالذكر أنه انفصل الفنان أحمد فهمي عن النجمة هنا الزاهد خلال الفترة الماضية، بعد حفل زفاف أسطوري وقصة حب من أول نظرة.