صفية العمري: عملت ليالي الحلمية 6 وعفاريت السيالة مجاملة.. وأخدت علقة من معالي زايد

كشفت صفية العمري عن كواليس فيلم أنا اللي قتلت الحنش مع معالي زايد، وعن سبب ندمها على تقديم مسلسل ليالي الحلمية 6 ومسلسل عفاريت السيالة، وعن علاقتها بالفنانة حورية فرغلي من خلال لقائها ببرنامج حبر سري مع أسما إبراهيم عبر شاشة قناة القاهرة والناس مساء أمس الخميس.

تحيا مصر

صفية العمري: عملت ليالي الحلمية 6 وعفاريت السيالة مجاملة

أشارت صفية العمري إلى سبب ندمها لتقديمها مسلسل ليالي الحلمية 6 ومسلسل عفاريت السيالة قائلة: "مسلسل ليالي الحلمية 6 كان مجاملة هو ومسلسل عفاريت السيالة، مكنتش عايزة أعمله مكنتش حاسة نفسي فيه لكن محبتي لأساتذتي اضطريت أعمله، وبعترف دلوقتي بده وهما عارفين أني عملته غصب عني، في حاجات بعملها غصب عني وموجوعة".

وأردفت صفية العمري قائلة: "أنا مكنتش عايزة أعمل مسلسل ليالي الحلمية 6 لأن مكنتش شايفة أني لازم أعمله لأن نازك السلحدار مكنش ينفع تطلع تاني، ولكن مع محبتي والضغط نزلت أعمله بس هو مكنش ليالي الحلمية كان مختلف تمامًا الجزء 6 كان بالاسم بس".

صفية العمري لمروجي شائعات وفاتها: أرحموني عندي أولاد سبوني أعيش في سلام

صفية العمري: الغدر أن تعزلي فنان وهو معتزلش.. ومش هقبل بأدوار لا تليق بيا عشان الفلوس

صفية العمري: الدراما لم تلغي أدواري في السينما

وعن أعمالها في الدراما والسينما قالت صفية العمري: "عملت 103 فيلم تلت أرباعهم أخدت عليهم جوايز وأنا نجحت في الدراما.. والدراما لم تلغي أدواري في السينما، وليا أدوار مهمة في السينما منها البيه البواب والحرافيش وعملت مع كبار المخرجين وكبار الكُتاب في السينما".

واسترسلت صفية العمري قائلة: "زمان كان في كُتاب بيكتبوا للسينما وفي فن راقي ومواضيع مهمة ولكن دلوقتي بقيت تجارية والفنان عايز يشتغل منقدرش نلوم حد عايز يشتغل".

صفية العمري: معالي زايد قوية جدًا جسمانية وأنا خيبة وضعيفة

وعن كواليس فيلم أنا اللي قتلت الحنش، علقت قائلة: "معالي زايد قوية جدا جسمانية وأنا خيبة وضعيفة وأخدت منها علقة مقدرتش أقاومها في فيلم أنا اللي قتلت الحنش"، وعن علاقتها بحورية فرغلي: "أنا بحب حورية فرغلي ودايمًا بسأل عليها وحسيت أنها في أزمة وكان لازم أكون جنبها فين الناس اللي كانوا بيسألوا على بعضهم".

صفية العمري: لو هختار فنانة تكون بنتي في عمل فني هتكون مي عمر

واختتمت قائلة: "لو هختار فنانة تكون بنتي في عمل فني هتكون مي عمر، شوفت لها مسلسل علاقة مشروعة كانت مجتهدة ولأول مرة أركز مع انفعالاتها وهي عندها حماس وبتحب تشتغل على نفسها" وعن النجوم التي تعتمد على جمالها في دخول الفن: "فرقيعة أن حد يدخل بشكله ولو ما أثبتش موهبته بيقع شكل الفنان باسبور بيعديه لكن لازم يكون في موهبة".