صفية العمري: الغدر أن تعزلي فنان وهو معتزلش.. ومش هقبل بأدوار لا تليق بيا عشان الفلوس

كشفت الفنانة صفية العمري عن تجاهل شركات الإنتاج لها من خلال استضافتها في برنامج حبر سري للإعلامية أسما إبراهيم، المذاع عبر شاشة قناة القاهرة والناس، مساء أمس الخميس، وعن رأيها في نجوم هذا الجيل مقارنةً بنجوم الصف الأول في التمانينيات، وعبرت عن اهمال كبار الفنانين من قبل شركات الإنتاج.

تحيا مصر

صفية العمري: رشدي أباظة لو موجود كان هيكتسح الفن

علقت صفية العمري عن نجوم هذا الجيل من خلال لقائها في برنامج حبر سري، قائلة: "نجوم دلوقتي مختلفين عن نجوم الصف الأول في التمانينات مفيش زيهم ورشدي أباظة لو موجود كان هيكتسح الفن"، وأشارت إلى أنها وضعت بصمتها في كل الشخصيات الي قدمتها قائلة: "أنا اللي عملت كل شخصياتي أنا اللي حطيت بصمتي ولبستها وصرفت عليها".

وأردفت صفية العمري قائلة: "بشوف العمل لازم أخرج منه مكنش مضايقة وميكونش مهين أو فيه إسفاف، وفي قضايا اتحلت بسبب الأعمال اللي قدمتها"، ,اشارت إلى أنها لا تفكر في المال وأن ما يهمه هو الفن معلقة: "لا والله مكناش بنفكر في الفلوس خالص وكنا بنحب نشتغل للفن، عمري ما قبلت أقدم دور عشان الفلوس وفي أدوار قدمتها مفيهاش فلوس خالص بس كان فن وأخدت جوايز عليها".

صفية العمري: هند رستم لا تقلد ولها بصمتها.. ومصطلح السينما النظيفة مهين

صفية العمري: أحمد زكي لا يعوض.. ومكنتش أتمنى ولادي يدخلوا الوسط عشان ميتوجعوش

صفية العمري: الغدر أن تعزلي فنان وهو معتزلش

وعن عدم إيجاد فرص لكبار النجوم في الفترة الحالية بعدما قدم تاريخ كبير، قائلة: "الغدر أن تعزلي فنان وهو معتزلش ووحشة أوي أني ملاقيش شغل ليا في الفن، وفي منتج أتصل بيا على دور ويقولي هبعته على الواتساب، إزاي لازم يكون في ورق عشان أحط ملاحظاتي وقال أني برفض الشغل"ز

وأوضحت صفية العمري أن الأدوار التي تقدم لها لا تليق بها وقالت: "أدوار لا تليق بيا والناس مش هتقبل الشخصيات دي ومش هقبل أقدم الأدوار دي عشان فلوس، بحب لما يتقدم لي نص لازم اقرأ فكر الكاتب وأنفذ العمل بناءً  على فكر الكاتب"

صفية العمري: هل في معرض ياخد الجوايز بتاعي لما أموت ولا هتتباع؟

وتسائلت صفية العمري عن مصير جوائزها التي حصدتها عن أعمالها قائلة: "هل في معرض أو متحف ياخد الجوايز بتاعي لما أموت ولا هتتباع زي ما بنشوف، أنا لا أشعر بالقهر بسبب تجاهل شركات الإنتاج لأنهم بيشتغلوا على العناصر الجداد، هل هما مش عارفين مين صفية العمري أو منتظرين حد يتكلم باسمي، بس يمكن أنا بعيدة عنهم لكن أنا بحضر مهرجانات وتكريمات بس بخلص شغلي وأرجع لبيتي لأنه مهم بالنسبة لي وأنا شخصية خجولة جدًا".