صفية العمري لمروجي شائعات وفاتها: أرحموني عندي أولاد سبوني أعيش في سلام

أعربت الفنانة صفية العمري عن استيائها بسبب انتشار شائعات عن وفاتها أو تدهور حالتها الصحية، وكشفت عن سبب عدم زواجها غير مرة واحدة طوال فترة حياتها، كما أشارت صفية العمري عن افتقادها لوجود والدتها، من خلال لقائها في برنامج حبر سري للإعلامية أسما إبراهيم المذاع عبر قناة القاهرة والناس مساء أمس الخميس.

تحيا مصر

صفية العمري لمروجي شائعات وفاتها:  بدل ما تشكروني بتموتوني وأنا عايشة

علقت صفية العمري على شائعات وفاتها من خلال برنامج حبر سري، قائلة :"موتوني والشهر اللي فات كان في صور ليا أني دخلت المصحة لأني أصيبت بالعمى، وحرام عليكم تموتوا الناس"، وتابعت قائلة: "الفنان أعطى من جهده ومن حياته عشان يفرح الناس ليه عايزين تموتوه ومش عايزينه يعيش حياته؟، ليه عايزين تعموني هو أنا ماليش أولاد سبوني أعيش في راحة وطمأنينة بدل ما تشكروني بتموتوني وأنا عايشة، أرحمونا عندنا أطفال عندكم إيه مش فاهمة أنتوا مرضى نفسيين فكروا في ربنا".

وأردفت قائلة: "اللي في طبع مش بيتغير والرجولة لا تتجزأ فيها الشهامة والإخلاص والطبطبة ومكنش عندي فتى أحلام"، وعن سبب عدم زواجها مرة أخرى علقت صفية العمري قائلة: "بحب أولادي ومقدرش أضرهم أو أذيهم لأن الأولاد بيغيروا على أمهم، ومش ممكن أخلي ولادي يحسوا أن في رجل غريب يكون معايا، هما حياتي عيني وقلبي وهما في أمريكا، أرفض موضوع الزواج من رجل أصغر مني".

صفية العمري: الغدر أن تعزلي فنان وهو معتزلش.. ومش هقبل بأدوار لا تليق بيا عشان الفلوس

صفية العمري: هند رستم لا تقلد ولها بصمتها.. ومصطلح السينما النظيفة مهين

صفية العمري: عمري ما عملت حساب للزمن

وعن أصعب لحظة من وجهة نظرها قالت صفية العمري: "بخاف من أن تيجي لحظة وأولادي ميكنونش جنبي الزمن غدار والدنيا ملهاش آمان، وعمري ما عملت حساب للزمن وكنا بنشتغل للفن ومفكرناش في جيلي نشيل فلوس للزمن، المجتمع اتغير للأسف وصعبان عليا إيه اللي جرى للشباب فين الثقافة فين القراءة والمزيكا للأسف أكبر مصيبة جت في الكون هي السوشيال ميديا هي اللي بوظت الدنيا".

صفية العمري: مفتقدة وجود أمي في البيت

والجدير بالذكر، عبرت صفية العمري عن اشتياقها لوالدتها، قائلة: "بفكر في أمي لأن كان لازم أتفرغ لها وكنت بشتغل كتير، والحرمان بنحس به بعد فترة طويلة إزاي يكون عندي الكنز ده وكنت مشغولة واتحرمت منها وبدور عليها ومش لاقياها، ومفتقدة وجودها في البيت لأنه كان جايب خير وستر ورزق وكل حاجة مشيت وراها".