حمو بيكا: محمد رمضان لو كان بدأ بالغناء مكنش هيتشاف والمهرجانات بتنقل الواقع

كشف مطرب المهرجانات الشعبية حمو بيكا رأيه في عدد من نجوم الفن من بينهم الفنان محمد رمضان ومطرب الراب الشهير ويجز، وذلك خلال لقائه ببرنامج يومينهم والذي تقدمه الإعلامية فرح شاهين على شاشة قناة هي.

تحيا مصر 

حمو بيكا: محمد رمضان لو بدأ بالغناء مكنش هيتشاف 

وقال حمو بيكا عن محمد رمضان: محمد رمضان له جمهوره الخاص ويتحط مع ويجز في النجاح، لو كان بدأ في الغناء مكنش اتشاف من قبل التمثيل لأنه خدمه، ومسحبش مننا البساط واحنا نجوم ولينا ناس وشعبية وجمهوره جمهورنا،

وتطرق حمو بيكا للحديث عن  رأيه في أغاني الراب ومطربه الشهير ويجز، إذ قال: أنا مبفهمش كلام الراب إزاي الناس هتفهمه، أنا اختارت أغني مهرجانات شعبية عشان بتحكي عن الواقع واللي بنمر بيه، وفي كلام جوانا كتير مبنعرفش نعبر عنه ف نعبر عنه بالمهرجانات، انا بحب الأغاني بشكل عام مش مهرجانات بس.

حمو بيكا: ويجز مشرفنا جوة وبرا مصر 

وأضاف حمو بيكا: ويجز حد محترم ومشرفنا برا مصر وجوه مصر، بس ممكن في ناس مبتفهمش لغة الراب وكلام ويجز مش مفهوم برضو، يعني الطفل اللي عنده 11 سنة حافظ أغاني المهرجانات كلها، وممكن يغني أجنبي أفضل يتفهم.

وأشار حمو بيكا إلى أنه طرح العديد من أغاني المهرجانات وحققت نجاحًا كبير، متابًعا: عندي أغاني كتير نجحت، 2600 أغنية، ولو أنا عملت أغنية مش حاببها همسحها مش هقدر أسمعها تاني، بس كل أغانيا ناجحة، وأكتر أغنية اتعرفت بيها رب الكون ميزنا بميزة.

حمو بيكا: مش هتعلم عشان معنديش وقت ومصطفى كامل رجعلنا كرمتنا

حمو بيكا: لو اعتزلت هبقى بزنس مان وعمري وما أقول إن الفن حرام

حمو بيكا وموقفه من الاعتزال 

وكشف حمو بيكا موقفه من اعتزال الغناء فقال: هيجي عليا وقت وأبطل غناء، ولما أبطل هدير الأستوديوهات بتاعتي، وهبقى بيزنس مان، انا كنت حاطط أمل أن ربنا هيكرمني بشكل عام، طول عمري كنت راجل شقيان وكان عندي أمل أني هكون حاجة في يوم من الأيام، واشتغلت جزار ونجار ومافيش شغلانة مشتغلتهاش، ومكنش هدفي الأغاني اطلاقا، والدي اللي شجعني أغني، وقالي روح اعمل أغنية زي زمايلك وربنا كرمني زي ما كنت حاسس ومتوقع.