حمو بيكا: لو اعتزلت هبقى بزنس مان وعمري وما أقول إن الفن حرام

حل مطرب المهرجانات الشعبية حمو بيكا ضيف على برنامج يومنهم، والذي تقدمه الإعلامية فرح شاهين على شاشة قناة هي، والذي كشف من خلاله عن حياته الشخصية وإمكانية اعتزاله الفن ورأيه في اعتزال صديقه المطرب علي قدورة.

تحيا مصر 

حمو بيكا: مكنش هدفي الغناء ووالدي اللي شجعني 

وقال حمو بيكا خلال لقائه بالبرنامج: كنت حاطط أمل أن ربنا هيكرمني بشكل عام، طول عمري كنت راجل شقيان وكان عندي أمل أني هكون حاجة في يوم من الأيام، واشتغلت جزار ونجار ومافيش شغلانة مشتغلتهاش، ومكنش هدفي الأغاني اطلاقا، والدي اللي شجعني أغني وقالي أعمل أغنية زي زمايلك، وكانت من كلماتي وألحاني اسمها قشطة.

حمو بيكا: ممكن اعتزل وهشتغل بزنس مان 

وعن إمكانية اعتزاله الفن، قال حمو بيكا: هيجي عليا وقت وأبطل غناء، ولما أبطل هدير الأستوديوهات بتاعتي، وهبقى بيزنس مان.

وأوضح حمو بيكا رأيه في اعتزل علي قدورة، فقال: عمري ماهقول أن فلوس الفن حرام، أنا صيحت الصبح لاقيت علي قدورة أعلن كدا، أنا مكلمتوش بعد ما قال الكلام ده، هو حر وفضالنا الدنيا شوية، وبراحته يحرم اللي يحرمه، وممكن ميكنش جايب همه معاه، والله أنا من رأيي ميركزش مع حد.

حمو بيكا: معنديش مانع بنتي تغني مهرجانات

وعن ابنته تاج، قال حمو بيكا: تاج اسم جديد وأنا أول اسم اسميه، ولو كبرت وطلبت تغني وتعمل مهرجانات، هي لما تحب حاجة لازم أعملهالها، نفسي أعمل لبنتي كل حاجة حلوة.

واختتم حديثه، قائلا: أنا اختارت أغني مهرجانات شعبية عشان بتحكي عن الواقع واللي بنمر بيه، وفي كلام جوانا كتير مبنعرفش نعبر عنه ف نعبر عنه بالمهرجانات، انا بحب الأغاني بشكل عام مش مهرجانات بس.

حمو بيكا: ربنا رزقني بأهم حاجة في حياتي تاج.. ويارب اقدر أسعدك يا بنتي

حمو بيكا يرزق بـ مولودته الأولى تاج بعد زواج 3 سنوات

وكان قد أعلن حمو بيكا عن استقبال مولودته الاولى تاج وذلك عبر حسابه الرسمي بموقع تبادل الصور والفيديوهات انستجرام فقال: اللهم لك الحمد، فرحة العمر كله في أن ربنا سبحانه وتعالى يرزقك بحتة منك ومن حبيبة عمرك.. والحمد لله ربنا رزقتي بأهم حاجه في حياتي تاج.. ربنا يخليكوا ليا يا رب وأقدر أسعدك وأساعدك في حياتك يا بنتي.