حمو بيكا: مش هتعلم عشان معنديش وقت ومصطفى كامل رجعلنا كرمتنا

حل مطرب المهرجانات الشعبية حمو بيكا ضيف على برنامج يومنهم، والذي تقدمه الإعلامية فرح شاهين على شاشة قناة هي، وتحدث خلاله عن سبب وجود ملقن معه أثناء أداء الأغنيات، فضلا عن رأيه في نقيب الموسيقيين الحالي الفنان مصطفى كامل.

تحيا مصر

تصريحات حمو بيكا 

قال حمو بيكا خلال البرنامج: بوقف حد جمبي عشان يقولي الكلام عشان مبعرفش أقرأ وبشوف نفسي أسرع واحد بيغني، ومعنديش وقت أتعلم أ ب ت ولو عايز أتعلم كنت اتعلمت من زمان، ممكن أعمل في اليوم 4 أغاني، ومعايا الشاعر والملحن والموزع وكل حاجة وفي نفس اليوم ممكن أسجل.

حمو بيكا: خسرت 3 مطاعم 

وتحدث حمو بيكا هو مشاريعه بخلاف عمله في الفن، فقال: قفلت 3 مطاعم عشان  خسرت ومكنتش فاضي أركز معاهم والناس كانت بتسرقني وانا كنت مسافر، ودمروا حياتي.

 ورفض حمو بيكا التعليق على صورة الفنان هاني شاكر نهائيا، حيث اكتفى بمجرد نشر صوره بالقول: لا تعليق.

حمو بيكا: مصطفى كامل رجعلنا حقنا وكرمتنا

وعن نقيب الموسيقيين الحالي، قال حمو بيكا: مصطفى كامل مبيحبش يقطع عيش حد، محترم مش بيحب يقطع عيش حد خالص وواقف جمبنا وجابلنا حقنا ورجعلنا حقنا، كفايه بترن عليه في أي وقت بيرد عليك في نص الليل، مشفنهاش خالص دي أن النقيب يرد باستمرار زيه.

وعلق بيكا على صورة الهضبة عمرو دياب، قائلا: شغله غير شغلنا، وشغلي يحتم عليا الظهور، احنا بننزل أماكن السهر نشتغل فيها، وأفراح، أنما عمرو دياب ممكن تشوفي مرة واحده بالسنة، احنا نجوم ولينا ناس زيه.

حمو بيكا: لو اعتزلت هبقى بزنس مان وعمري وما أقول إن الفن حرام

حمو بيكا ينشر الصورة الأولى لابنته تاج.. ويعلق: ربنا يباركلي فيها وتكون سند ليا

جدير بالذكر، أن برنامج يومينهم، هو برنامج اجتماعي لأول مرة في مصر والوطن العربي الذي تناقش فيه الإعلامية فرح شاهين الفرق بين الأجيال في العادات والتقاليد بشتى المجالات، وتستضيف خلاله الإعلامي عصام حلاوة ممثلًا عن جيل الثمانينات والتسعينات، والعديد من الفنانين ومشاهير المجتمع، ويعرض كل يوم جمعة في تمام السابعة مساء بتوقيت القاهرة على شاشة قناة هي،ويستضيف البرنامج عدد من نجوم الفن الذي يفجرون تصريحات جريئة لأول مرة من بينهم حمو بيكا.