أحمد العوضي: لو اتعرض عليا دور هتضرب فيه مش هوافق.. والجمهور شريك في فلوسي

وضح الفنان أحمد العوضي أنه أخطأ عندما رفض المشاركة في مسلسل نصيبي وقسمتك لعدم اقتناعه بأنه سيخان، وذلك خلال لقاء له ببرنامج حبر سري مع المذيعة أسما إبراهيم عبر شاشة تلفزيون قناة القاهرة والناس.

تحيا مصر

أحمد العوضي: لو اتعرض عليا دور هتضرب فيه مش هوافق

وقال أحمد العوضي: الخلط بين الحقيقة والتمثيل كان قلة خبرة مني، خصوصا أن المسلسل دا كان فتحة الخير عليا، وربنا كان حليف النجاح فيه، بس مكنتش حابب أطلع أني بتخان، ولكن لما عمرو ياسين كلمني في التلفون أقنعني، والحمد لله ربنا كرمني.. ولو اتعرض عليا دور هتضرب فيه مش هوافق، وعادي أعمل شخصية حد مش شجاع.

وعن اتهامه بالتعالي بسبب المسابقات التي عقدها في الفترة الأخيرة قال أحمد العوضي: عملت المسابقة عشان أراضي جمهوري.. مش كفاية أقدمله مشهد حلو، وطالما كسبت فلوس يبقى هعمل مسابقة، واللي عايز يقول تريند يقول.. الناس دي بتراضيني فأنا براضيهم.. الجمهور شريك في فلوسي بحبه ليا.

أحمد العوضي: اللي يتجوز في السر مش راجل.. ومعنديش صحاب من الوسط

أحمد حلمي: آسف على الإزعاج مرتبط بمشاعري.. ومنى زكي قالتلي أني مش مناسب لفيلم عسل أسود

رأي أحمد العوضي في الخيانة

وفي الحلقة ذاتها، كشف الفنان أحمد العوضي عن رأيه في خيانة الرجل لزوجته، ومبررات فعل الخيانة، وقال أحمد العوضي: مفيش مبرر يخلي راجل يعرف على مراته واحدة لأن أنت لو مش مبسوط معاها طلقها، هو الراجل يملك ايه غير هيبته والست تملك ايه غير احترامها ، هو دا اللي بيميز راجل عن راجل وست عن ست ، والنهاردة الراجل دا مش مبسوط طلق بس متخونش.

ومن الجدير بالذكر، أن مسلسل ضرب نار هو أخر أعمال أحمد العوضي في الدراما، مع ياسمين عبدالعزيز وكان مسلسل ضرب نار ضمن الدراما الصعيدية حول جابر الصعيدي ومهرة بنت شبرا، شارك في بطولة مسلسل ضرب نار بجانب أحمد العوضي وياسمين عبدالعزيز كل من ماجد المصري، هدى الأتربي، سهير المرشدى، دنيا المصري، إسراء رخا، أحمد غزي، إيمان السيد، بدرية طلبة، أحمد عبدالله، تيسير عبدالعزيز، تامر مجدي.

أعمال أحمد العوضي الجديدة في السينما

ويستعد أحمد العوضي لطرح فيلم جديد بقاعات السينما بعنوان الإسكندراني مع الفنانة زينة، والفنان حسين فهمي، وإخراج خالد يوسف.