أحمد حلمي: آسف على الإزعاج مرتبط بمشاعري.. ومنى زكي قالتلي أني مش مناسب لفيلم عسل أسود

كشف أحمد حلمي كواليس أول برنامج قدمه مع الأطفال، في مبنى الإذاعة والتلفزيون بطلب من سناء منصور، وعن مواقف كوميدية تعرض لها في طفولته، ورأيه في السينما وكواليس فيلم عسل أسود وفيلم آسف على الإزعاج.

تحيا مصر

أحمد حلمي: بدأنا بشكل مجنون نصور مع الأطفال

وكشف أحمد حلمي عن كواليس أول برنامج يقدمه من فكرته في مبنى الإذاعة والتلفزيون من خلال لقائه مع الإعلامي محمود سعد في برنامج sold out عبر منصة watch it وقناة cbc، قائلًا: “بدأنا بشكل مجنون نصور مع الأطفال وبنخاطب الحضانات وأعدي على كل فصل وأتفرج على العيال وأشوف أكتر طفل هادي وأصور معه”.

وتابع أحمد حلمي كاشفًا كواليس البرنامج: “بختار الطفل الهادي عشان يكون في تحدي والبرنامج مكنش فيها أي رؤية الأب والأم مش بيكونوا مصدقين أن ده كلام ابنهم في البرنامج”.

وعن طفولته قال أحمد حلمي: “كنت شقي وفي حمار تحت بيتنا طول عمره ومعضش حد غيري كان صعبان عليا وشيلت البرسيم من قدامه، وكنت بتني ودني وأنام عليها وكان عندي ودن أكبر من التانية وطفل قال عليا إيه ميكي موس ده، اتضايقت جدًا أن حد اتريق عليا أنه مش بإيدي وعمري ما نسيت الحكاية دي، واتعلمت أن أي حد بيتكلم معايا بيكون بدافع الحب يبقى ما أحرجوش مهما عمل وابتسم في وشه".

أحمد حلمي: كنت بتذل بسبب اسم عيلتي.. وحاسس بالعجز من يوم 7 أكتوبر

أحمد حلمي ضيف على برنامج sold out الخميس والجمعة المقبلين

أحمد حلمي: مثلت بالصدفة وسقطت 3 سنين في الثانوية

أما عن دخوله الفن، قال أحمد حلمي: “مكنتش بفكر أني أمثل جت بالصدفة وأنا طفل حاسس أني كنت هبقى مشهور، وأخدت موهبة الرسم من والدتي وباكل منها عيش وكنت بشتغل في مطبعة وأنا 2 ثانوي، وسقطت 3 سنين في الثانوية وكان مستقبلي ضايع”.

أما عن رأي منى زكي في دور بفيلم عسل أسودن قال أحمد حلمي: “منى زكي قالت مش هينفع أقدم دور الأمريكي المصري في فيلم عسل أسود، لأن لا شكل ولا لغة تنفع ولازم أكون عيشت هناك كتير عشان أقدر أفكر زيهم، وكنت في الفيلم وكنت عايز أعبر عن الشباب ووجهة نظرهم”.

واسترسل أحمد حلم قائلًأ: “دورت على شخص عايش في أمريكا واستعنت به وقرأ سيناريو عسل أسود وعدل عليه في أدق التفاصيل وتعبت في اللغة الإنجليزية جدًا ”.

ومن جهة أخرى، قال أحمد حلمي: “القوة الناعمة هي قوة تغزو العالم لأن أي عمل بيخاطب الوجدان بيأثر في المتلقي أكتر من 100 خطاب أو مظاهرة”.

أحمد حلمي: آسف على الإزعاج مرتبط بمشاعري مع أبويا 

أما عن فيلم آسف على الإزعاج تحدث عنه قائلًا: “آسف على الإزعاج مرتبط بمشاعري مع أبويا ولما مات مستوعبتش لأني كنت شايف أني ملحقتش أقعد معه ولما جت لي الفكرة اتعلقت به”، أما عن رأيه في السينما وما تمثله بالسنبة له قال أحمد حلمي: “السينما زي الحلم الكبير ونفسك أنه يتحقق بمعنى اللي بتشوفه في الفيلم تشوفه في الحياة نفسي في كده”.