أحمد العوضي: اللي يتجوز في السر مش راجل.. ومعنديش صحاب من الوسط

كشف الفنان أحمد العوضي عن رأيه في خيانة الرجل لزوجته، ومبررات فعل الخيانة، وذلك خلال لقاء له ببرنامج حبر سري مع المذيعة أسما إبراهيم، عبر شاشة تلفزيون قناة القاهرة والناس.

تحيا مصر

رأي أحمد العوضي في الخيانة

وقال أحمد العوضي: مفيش مبرر يخلي راجل يعرف على مراته واحدة لأن أنت لو مش مبسوط معاها طلقها، هو الراجل يملك ايه غير هيبته والست تملك ايه غير احترامها ، هو دا اللي بيميز راجل عن راجل وست عن ست ، والنهاردة الراجل دا مش مبسوط طلق بس متخونش.

وتابع: فيه رجالة بتخون وفيه ستات بتخون، لأن احنا بني آدمين، لو فيه راجل قرر يتجوز على مراته لازم يروح يقولها ولو رفضت يطلقها أو يعيش معاها، واللي يتجوز في السر مش راجل لأنه كدا خاف.

أصدقاء أحمد العوضي في الوسط الفني

وفي الحلقة ذاتها، أكد أحمد العوضي على أنه لا يملك أصدقاء قريبين من الممثلين، فقال: ليا أصحاب في الوسط الفني.. أنا روحت عزا الفنان الكبير محمود ياسين لأن عمرو صاحبي، لكن لو الشخص اللي ماتله حد ميربطنيش بيه علاقة مش بروح لأني هبقى رايح عشان اتصور ملهاش معنى.

واضاف: وكل اللي في الوسط زمايلي بس مش قريبين مني كأصحاب، وبيتر ميمي صاحبي جدا وأحمد خالد موسى، ومش مقصودة أن ميكونش ليا صحاب من الفنانين، وبرا الشغلانة عندي صحاب من زمان كبروا معايا.

صلاح عبد الله: أحمد العوضي فنان شاطر.. وسره الباتع اتعرض لظلم

الليلة.. أحمد العوضي يرد على شائعة انفصاله عن ياسمين عبد العزيز ويكشف الحقيقة بحبر سري

أخر أعمال أحمد العوضي

ومن الجدير بالذكر، أن مسلسل ضرب نار هو أخر أعمال أحمد العوضي في الدراما، مع ياسمين عبدالعزيز وكان مسلسل ضرب نار ضمن الدراما الصعيدية حول جابر الصعيدي ومهرة بنت شبرا، شارك في بطولة مسلسل ضرب نار بجانب أحمد العوضي وياسمين عبدالعزيز كل من ماجد المصري، هدى الأتربي، سهير المرشدى، دنيا المصري، إسراء رخا، أحمد غزي، إيمان السيد، بدرية طلبة، أحمد عبدالله، تيسير عبدالعزيز، تامر مجدي.

وأعلن أحمد العوضي انفصاله فنيًا عن ياسمين عبدالعزيز هذا العام بعد آخر عمل درامي جمع بينهما هو مسلسل ضرب نار، وتعاقده على مسلسل حق عرب، وهو من تأليف إنتاج سينرجي تامر مرسي، وتأليف محمود حمدان، إخراج اسماعيل فاروق.