تطبق الشروط والأحكام.. تعرف على تفاصيل مسرحية بيومي فؤاد الجديدة

بيومي فؤاد.. ينشغل الفنان بيومي فؤاد في بروفات مسرحيته الجديدة التي تحمل اسم «تطبق الشروط والأحكام»، والمقرر أن يشارك بها ضمن فعاليات النسخة الرابعة من موسم الرياض بالمملكة العربية السعودية.
تحيا مصر

مدة عرض شخصية تطبق الشروط والأحكام للفنان بيومي فؤاد 

وتُعرض مسرحية تطبق الشروط والأحكام للفنان بيومي فؤاد لمدة 5 أيام، بدءًا من يوم 10 وحتى 14 نوفمبر الجاري، على خشبة مسرح محمد العلى بالتعاون مع الفنان أكرم حسني، ويظهر خلالها بيومي فؤاد بشخصيتين. 

أزمة بيومي فؤاد ومحمد سلام

على الصعيد الآخر،  كتب الفنان مصطفى بسيط عن أزمة بيومي فؤاد ومحمد سلام على حسابه الرسمي بموقع تبادل الصور والفيديوهات الإنستجرام: الفتنة.. خلاص كل الناس شيرت اللي مع واللي ضد.. وكله كتب بوست وشير واتبسط.. خلاص خلصنا مزايدات على بعض وخونا وكدبنا بعض؟.. افهم أنك بتشارك في تقطيع بني آدمين زيك زيهم وكلهم بيدافعوا عن نفس القضية.. طب كل ده عشان إيه؟ التريند والسوشيال ميديا.. اللي بقيت بتحركنا كلنا لدرجة أننا بنشير اللي لينا فيه واللي مالناش برضو فيه.. وقررنا فجأة أننا نستبيح الناس وأعراضها وعائلتها.. كل ده عشان يا اللقطة يا الريتش.

وتابع مصطفى بسيط: بقى كل حد من حقه أنه ينتقد ويشتم في الناس طالما مفيش حد هيحاسبه.. بس خليك فاكر أن مفيش حد هحاسبك على كلامك وفتنتك دي هنا في السوشيال ميديا.. لكن لما يتوفانا الله ويموم الحق أعرف كويس أن أي بوست أو كومنت أو هجوم على شخص أنت متعرفش عنه حاجة ربنا هيجيب له حقه منك ومن غيرك ربنا العدل.. لأنه قال: ما يلفظ من قول إلا لديه رقيت عتيد {ق:13}.. فخليك فاهم كويس أن كل لفظ وكلمة هتطلع منك بتتكتب وهتتحاسب عليها.. ملحوظة أنا لا مع ولا ضد مش لازم كل حاجة يكون ليا فيها رأي.. ربنا يهدينا جميعًأ ويصبر أهالينا في فلسطين.

تعليق محمد رمضان على أزمة بيومي فؤاد ومحمد سلام 

كما علق محمد رمضان في مقطع فيديو له على ازمة بيومي فؤاد ومحمد سلام قائلًا: رسالتي لكل جمهوري العربي رأس مال أي فنان أو نجم في الدنيا هو الناس اللي هما حضراتكم، بنطلب من كل حبايبنا وكل اللي حاولينا أمي وأبويا يدعو أن ربنا يحبب فيا الناس والجمهور، شيء قاسي لما أكتر حد أنت تبقى عايز تسعده وتنال رضاه هو اللي يكون قاسي عليك بالكلام، وكلامي عن زملائي وأخواتي وأنا بتشرف بيهم الاتنين محمد سلام وبيومى فؤاد، لا سلام غلط ولا بيومي غلط حتى لو في ذلة لسان.

اقرأ أيضًا.. 

إليسا: شغلنا هنكمله لأن ده رزقنا لكن صعب أنزل ألبومي الجديد احتراما لأهالينا في غزة 

نجاة نجل منى عبد الغني من الغرق.. تفاصيل

وتابع محمد رمضان: إحنا بنقول اللهم لا تؤاخذنا إن نسينا أوأخطانا، لوغلطنا وإحنا بنصلى ربنا بيسامحنا، فعملوا إيه الاتنين عشان نكون قاسين عليهم من هنا على سلام أو بيومي، الأخبار اللي بسمعها اللي إن شاء الله تكون إشائعات إن سلام مش هيشتغل ولا حد هيسمح بكدا ولا إحنا كفنانين ولا الجمهور هيسمح بكده، اللي هو في ضهر أي فنان بيحبه وبيساعده.. ولا إحنا مع بيومي أن يقفل الكومنتات عشان ميشوفش كلام وحش، ياريت نكون أحن من كده على بعض.