قضية طبيب الساحل.. لغز مساعد شحتة ومباراة الأهلي والوداد|تفاصيل

متهم في قضية طبيب الساحل والذي كان يعمل مساعدا لـ المتهم الأول الدكتور أحمد شحتة، وقف في قفص الإتهام يردد بأنه لم يرتكب شيئا وإنما ساعد فقط في نقل المجني عليه الدكتور أسامة صبور وهو مغشي عليه، إلا أن محكمة جنايات القاهرة قررت في النهاية إحالة أوراقه إلى فضيلة مفتي الجمهورية لأخذ الرأي الشرعي في إعدامه، برفقة المتهم الأول والمتهمة الثالثة في القضية.

تحيا مصر

قضية طبيب الساحل.. إحالة أوراق المتهمين الثلاثة لمفتي الجمهورية

الدفاع المتهمة الثالثة في مقتل طبيب الساحل: المتهمة بريئة من كل التهم

صرخات والدة طبيب الساحل تهز جدران المحكمة

محامي المتهمين بقتل طبيب الساحل: الوفاة طبيعية

المتهم الثاني في قضية طبيب الساحل: محصلش والله

دفاع المتهم الثاني التمس من محكمة جنايات القاهرة، المنعقدة في العباسية بمجمع محاكم شمال القاهرة، براءة المتهم استنادا على بطلاق اعترافه لكونه وليد الإكراه، وبطلان الفيديوهات المحرزة بالقضية وانعدام رابطة السببية بين إصابات المجني عليه مع ما ورد من أسباب للوفاة، وبطلان تقرير الطب الشرعي، وعدل المتهم على الدفاع حينما قرر بأنه كان يشاهد مباراة الأهلي والترجي بأنه كان يشاهد مباراة الأهلي والوداد.

وعقب النطق بالحكم عليه، صرخ المتهم داخل القفص قائلا «والله العظيم محصلش والله معملتش حاجة، مش أنا اللي عملت، والله كنت بتفرج على ماتش الأهلي، الحقوني أنا معملتش حاجة أنا شيلته وهو مغمى عليه بس، شحتة اللي عمل كل حاجة أنا مظلوم وماليش دعوة» وظل ينادي على والده الذي ترقبه بالدموع قائلا «ولدي بريء».

إعترافات المتهم الثاني في قضية طبيب الساحل

إعترافات مثيرة أدلى بها مساعد الدكتور أحمد شحتة المتهم في قضية طبيب الساحل، خلال تحقيقات النيابة العامة في قضية طبيب الساحل، حيث قال «أنا أسمي أحمد فرج عبدالباسط وعندي 27 سنة، وحاصل على بكالريوس خدمة اجتماعية من محافظة سوهاج، وكنت بشتغل مشرف إداري بمركز طبي، وخرج جامعة الكوثر في محافظة سوهاج دفعة 2021».

وأشار المتهم الثاني في قضية طبيب الساحل، بعد التخرج كنت قاعد في البيت وكان عندنا أرض في البلد كنت بشتغل فيها مع أبويا وبعدين لقيت إعلان على الفيسبوك شغل في مركز طبي طالبين إداري، في البساتين والراتب بتاعه 3 آلاف جنيه ومصروف 20 جنيه في اليوم، واتصلت بالرقم وركبت القطار من سوهاج وجيت على القاهرة.

متهم في قضية طبيب الساحل: شحتة اللي عمل كل حاجة

وأكمل المتهم الثاني خلال اعترافاته بقضية طبيب الساحل، أول ما جيت روحت قابلت الدكتور أحمد شحتة واستلمت الشغل، وقالي أنت هتشتغل تمريض وهتدي الحقن وهتساعد الدكاترة في شغلهم وتاخد فلوس من المرضى لو السكرتيرة مجتش وبعدها نزلت أجازة سوهاج، وبعد العيد رجعت القاهرة تاني، وساعتها قالي تعالى معايا عيادة الساحل.

العيادة دي كنت أحيانا بروح أخد منها مستلزمات طبية، وروحت له فعلا عيادة الساحل وقالي عاوزين نعمل مكان نشيل فيه المستلزمات الطبية عشان الأدوية والمستلزمات ثمنها هيغلى الفترة اللي جاية، وقررنا نعمل حفرة تحت الأرض وعملنا فعلا حفرة 2متر * 2 متر في أوضة المعمل تحت البلاط، وخدت شغل يومين وهو جاب شكاير وحطينا الردش اللي طلع فيها وعملت اسمنت في الحفرة من جوه.

وتابع المتهم في قضية طبيب الساحل، أحمد شحتة المتهم الأول قالي أن في دكتور هييجي على اساس إن في كشف منزلي في شقة ابو وافية والدكتور ده مدايقني وعايز أعلم عليه، قولتله ماشي وقالي هتكلمك إيمان وهتقولك الدكتور جه، ووراني صورة أسامة الله يرحمه على التليفون بتاعه وكان لابس بدلة عشان أبقى عارفة وانا بجيبه الشقة، وفعلا جبته الشقة وأول ما دخلت قولت بصوت عالي اتفضل يادكتور عشان يفهم أنه معايا، وأول ما دخلنا لقيت شحتة لابس فانلة داخلية لونها بيج وخارمها من عند عينه عشان أسامة ميتعرفش عليه، وبعدين كتفه بايده وضربه مرتين بصاعق كهرباء، وبعدها قالي هات الحقنة اللي بره وراح ادهاله في رقبته.