غادة عبد الرازق تروي تجربتها مع أحد الدكاترة النفسيين: قولتله أنت محتاج حد يعالجك

تحدثت الفنانة غادة عبد الرازق عن تجربتها في حكاية تحت الحزام من مسلسل حدث بالفعل، خلال لقاء لها ببرنامج معكم منى الشاذلي المذاع عبر شاشة تلفزيون قناة أون.

تحيا مصر يرصد تفاصيل تصريحات غادة عبد الرازق في معكم منى الشاذلي

غادة عبد الرازق والأطباء النفسيين

وقالت غادة عبد الرازق: هما مكانوش تلاتة، هما كانوا اتنين، وبعدين قعدت مع المؤلف لقيته بيفتح في حاجات كتير لأن في حاجات كانت لازم تبان، زي خلفية عليا وجوزها راح فين وابنها ايه، وقولتلهم يا جماعة هعملهم 3 حلقات مع أني كنت اتفقت خلاص.

وتابعت: اللي حببني في الموضوع دا أن علياء هي دكتورة نفسية، والمفروض تعالج الناس، بس محدش تخيل أنها ممكن تكون هي شخصيا مريضة، أنا مريت بالتجربة دي مرتين، روحت لاتنين دكاترة أول ما دخلت عليهم وأنا خارجة قولت للدكتور أنا عايزة أقولك قبل ما أخرج أن أنت محتاج حد يعالجك.

غادة عبد الرازق: بروح لدكتور نفساني بقالي 30 سنة

واستكملت: هو دكتور كبير في السن وأول ما دخلت لقيته بيلف بالكرسي الدوار فأنا قولت يمكن حاجة وقعت منه، ووأنا بكلمه كان بيشوف موبايله ويفتح الدرج، وفي الأخر كتبلي على أدوية وأخدتها واتنكست، وهيبرت وبقيت مش متزنة.

واضافت: وفيه حاجات مهما حصل لا يمكن تقدري تقوليها لأقرب الناس ليكي، الدكتور بيوصل لحاجات ممكن أنتي تتكسفي تحكيها لأي حد، ومعايا دكتور بروحله بقالي 30 سنة، وباخد أدوية.

غادة عبد الرازق ترد على منتقدي حديثها باللغة الانجليزية

وسبق وأن تعرضت الفنانة غادة عبد الرازق في الساعات القليلة الماضية لسخرية كبيرة عبر حسابها الرسمي بموقع تبادل الصور والفيديوهات انستجرام وانتقادات بسبب حديثها باللغة الانجليزية والتي تعجب العديد من طريقتها.

وكتبت غادة عبر الرازق عبر خاصية “التعليقات” بحسابها الرسمي بموقع انستجرام:  والنبي كل واحد يخليه في نفسه  أنا بكتب الإنجليزي كده، أنا حرة اللي مش عاجبه ميدخلش عندي، ناس معقدة، ومن هنا ورايح مافيش نجم أو فنان مصري هيقبل الإهانة وقلة الآدب من ناس.