نفسي أجيلك بسرعة.. رسالة مؤثرة من سامي لعروسه بعد رحيلها

اعتبر الشاب سامي زوجته نوران حلم حياته وتعلق بها بشكل غير طبيعي حتى تزوجها وبعد أيام من الزواج انقلبت حياة سامي بوفاة عروسه ليعيش في صدمة منذ ذلك الوقت ولا يستطيع التأقلم مع الحياة بدون زوجته ولم يعد يشر بطعم الحياة بدونها ويتمنى اللحاق بها بشكل عاجل.

تحيا مصر

قبل ما تلبس الفستان.. وفاة عروس الفيوم شهد قبل زفافها بساعات

سامي في رسالته المؤثرة: مش قادر أعيش من غيرك

وكتب الشاب سامي منشور رصده موقع "تحيا مصر" يعبر فيه بالوجع الذي يشعر به دون زوجته والذي كتب فيه، "كده يا نوران تسيبيني وتمشي بدري أوي كده، طب فين كلامنا ده أنا قايلك هروح الأول عشان مش هقدر أعيش من غيرك كنت قايلك إنك ماليه عليا حياتي وانتي قولتي لي مش هسيبك".

وأضاف "انتي مشيتي وسبتيني وفضيتي عليا حياتي كلها وجودك جنبي كان بيهون عليا مصائب الدنيا كلها، عمري في يوم مجتلك تعبان غير لما انتي تبقي أحن واحده معايا في الدنيا كلها ، لكن المصيبة المرة دي مصيبتك أنتي يا حبيبتي ورفيقتي وصاحبتي وكل حاجة في حياتي مين يهون عليا اختباري فيكي؟"

سامي: بقيت عايش وحدي

وتسائل "مين يقولي ماتقلقش أنا جنبك ومعاك وكل حاجة هتبقى تمام ، مين اللي أجري عليه في عز ضعفي وأقول له اني تعبان مين اللي هاخد رأيه في كل حاجة في تفاصيل حياتي، ده انا كان همي طول الوقت انتي"

وتابع "انا حسيت اني بقيت عايش وبقى ليا حياه لما انتي دخلتي حياتي يانور عيني، كنت طول الوقت بخاف تبعدي عني وقولت لو أخر نفس فيا هحاول علشانك وعلشان احافظ عليكي وانتي تستاهلي اتعبلك العمر كله، لكن انتي سبتيني خالص يانوران سبتيني لحيرتي لخوفي لضعفي كل حاجة كانت متظبطه في وجودك لو كان ينفع افديكي بعمري كنت فديتك والله وتعيشي انتي مبسوطة"

سامي: نفسي أجيلك بسرعة

واختتم "مش معترض على حكمك والله يارب بس اختبار قاسي أوي كنت بـ دعيك طول الوقت انه ميحصلش، ألطف بيا وبأهلها يارب وعجل بيومي واجمعني بها في الجنة يارب عاجلا غير اجلا".